इन्डियन प्रिमिएर लिग (आई.पी.एल) अन्तर्गत हिजो रति भएको खेलमा कोलकाता नाइट राइडर्सले किंग्स इलेभेन पन्जाब विरुद्ध सात रनको रोमान्चक जित हात पार्यो|
पहिलो ब्याटिंगमा उत्रेको कोलकाताले निर्धारित २० ओभरमा १६४ रनको योगफल तयार परेको थियो| आफ्नो इनिंग्समा तिन विकेट गुमाएको कोलकाताले तिननै रनआउटमा विकेट गुमायो| उसका लागि कप्तान गौतम गम्भीर र विकेटकिपर रबिन उथाप्पाले राम्रो सुरुवात दिलाए| सतकीय साझेदारी गरेका जोडीले गम्भीर ५४ रनमा पेभेलिएन फर्कीए भने उथाप्पाले ७० रन बनाए|
१६५ रनको लक्ष्य पछ्याएको पन्जाबको सुरुवात विर्सनालायक रह्यो| १३ रनमा ३ विकेट गुमाएको पन्जाबलाई ग्लेन म्याक्स्वेलको आक्रामक पारीले उकासेको थियो| ६८ रन बनाउने क्रममा म्याक्स्वेलले २९ बलमै अर्धसतक पुरा गरेका थिए| अन्तिम समयमा अक्षर पटेलले आक्रामक पारि खेलेपनि उनि रनआउट भएपछि पन्जाबको हार पक्का भएको थियो| पन्जाबको इनिंग्स धराशायी पार्न चार विकेट लिएका आन्द्रे रसल म्यान अफ द म्याच भए|
जितसंगै कोलकाता १२ अंक बोक्दै अंक तालिकाको शिर्ष स्थानमा उक्लेको छ| पन्जाब भने अन्तिम स्थानमा कायमै रहेको छ|
