नेपालगन्ज (हाम्रो खेलकुद) – एपिएफले आठौं राष्ट्रिय खेलकुदअन्तर्गत महिला क्रिकेटमा स्वर्ण पदक जितेको छ । दाङको लमहीमा भएको फाइनलमा प्रदेश १ लाई ७८ रनले हराउँदै एपिएफले स्वर्ण पदक जितेको थियो ।
टस हारेर पहिला ब्याटिङ थालेको एपिएफले निर्धारित २० ओभरमा अल आउट हुँदै १ सय २८ रन बनाएको थियो । टोलीका लागि ज्योती पाण्डे ४१ बलमा ६ चौका सहित ४५ र सिता राना मगरले ४२ रनको योगदान गरिन् । अन्य ब्याटरले भने राम्रो प्रर्दशन गर्न सकेनन् । प्रदेश १ का लागि रुबिना क्षेत्री वेलवासे,समवम राई र संगिता राईले समान ३ विकेट लिए ।
१ सय २९ रनको लक्ष्य पछ्याएको प्रदेश १ ले २ बलअघि अलआउट हुँदै मात्र ४१ रन जोड्न सक्यो । टोलीका लागि रश्मी शर्मा चौलागाईले २७ रन जोडिन् । अन्य कुनै पनि ब्याटरले दोहोरो अंकमा रन बनाउन सकेनन् ।
एपीएफको कसिलो बलिङ सामु प्रदेश १ का ४ ब्याट्सम्यानले खाता खोल्न सकेनन् । एपीएफका सरिता मगर,सिता राना मगर,रितु कनौजियाले समान २ विकेट लिए । खेलमा सिता राना मगर उमन अफ दि म्याच घोषित भइन् ।
