एजेन्सी – ओमान र अमेरिकाले अन्तर्राष्ट्रिय क्रिकेट परिषद (आईसीसी) बाट एक दिवसिय (ओडीआई) वान डे मान्यता पाएका छन् ।
नामिबियामा जारी आईसीसी वोल्ड क्रिकेट लिग डिभिजन टु प्रतियोगिता खेली रहेका ओमान र अमेरिकाले एक खेल अगावै डे मान्यता पाएका हुन् । डिभिजन टु मा सुरुवाती ४ खेलमा ४ मा नै जित निकालेको ओमानले नामिबियालाई ४ विकेटले पराजित गर्दै वान डे मान्यता प्राप्त गर्यो । ओमान ४ खेलमध्य ४ मा नै जित निकाल्दै ८ अंकका साथ शीर्ष स्थानमा छ ।
आजै भएको अर्को खेलमा क्यानडाले पपुवा न्युगिनिलाई ३ विकेटले हराएपछि ओमानले र अमेरिकाले वान डे मान्यता पाउने पक्का बनेको थियो । त्यस्तै ४ खेलमा ३ मा जित र १ मा हारका दोस्रो स्थानमा रहेको अमेरिकाले पनि वान डे मान्यता पाएको छ । अमेरिकाले हङकङलाई ८४ रनले पराजित गर्दै वान डे मान्यता प्राप्त गरेको हो ।
ओमान सहित नामिबिया, हङकङ, पपुवा न्युगिनी, अमेरिका र क्यानडाले प्रतिस्पर्धा गरि रहेको यस प्रतियोगितामा शीर्ष स्थानका चार टोलीले वान डे मान्यता प्राप्त गर्ने आईसीसीले जनाएको छ । त्यसै अनुरुप ओमान र अमेरिकाले वान डे मान्यता पाएका हुन् । अव दुई देशले वान डे मान्यता पाउने छन् ।
