नेपालगन्ज(हाम्रो खेलकुद) – आठौं राष्ट्रिय खेलकुद अन्तर्गत पुरुष क्रिकेटको स्वर्ण पदक सशस्त्र प्रहरी बल (एपीएफ) ले जितेको छ ।

बुधबार भएको फाईनल खेलमा नेपाल पुलिस क्लवलाई ३२ रनले पराजित गर्दै एपीएफले स्वर्ण जितेको हो । कोहलपुर क्रिकेट मैदानमा टस जितेर पहिला ब्याटिङ थालेको एपीएफले निर्धारित २० ओभरमा ८ विकेट गुमाउँदै १ सय १० रन बनाएको थियो । एपीएफका अनिल कुमार शाह ३१,शंकर राना २३ र भुवन कार्कीले ११ रनको योगदान दिए । पुलिसका ललित नारायण राजवंशीले ३, सागर ढकालले २,मञ्जित श्रेष्ठ र दिपेन्द्र सिंह ऐरीले समान १ विकेट लिए ।

१ सय ११ रनको लक्ष्य पछ्पाएको पुलिसले २० ओभरमा ९ विकेट गुमाउँदै ७८ रन मात्र बनाउन सक्यो । पुलिसका मञ्जित श्रेष्ठ २९,सुनिल धमला १५ र आरिफ शेखले १२ रन बनाउन बाहेक अन्यले राम्रो प्रर्दशन गर्न सकेनन् । एपीएफका कमलसिंह ऐरीले ४ ओभरमा २ मेडन सहित ४ रन खर्चेर ३,शरद भेषवाकर र बसन्तरेग्मीले समान २ विकेट लिए । कमल सिंह ऐरी म्यान अफ द म्याच चुनिए । त्यस्तै त्रिभुवन आर्मीले प्रदेश नम्बर १ लाई ६९ रनले पराजित गर्दै कास्य पदक जित्न जितेको छ ।