एजेन्सी – इन्डियन प्रिमियर लिग (आईपीएल) मा आज दुई खेल हुँदै छन् । पहिलो खेलमा रोयल च्लायेन्जर्स बेंगलोर र दिल्ली क्यापिटल्सबीच प्रतिस्पर्धा हुने छ ।

• 

खेल नेपाली समय अनुसार दिउँसोे ४ : १५ देखी दिल्लीको घरेलुको मैदान फिरोज शाह कोटलामा सुरु हुने छ । दिल्ली विजयी भए प्ले अफ पुग्दा बेंगलोर समुह चरणबाटै बाहिरिने पहिलो टोली बन्ने छ ।

बेंगलोर विजयी भए प्ले अफको झिनो अंक गणीतिय संभावना कायमै राख्ने छ । दिल्ली ११ खेलमा ७ मा जित र ४ मा हारका साथ तेस्रो स्थानमा छ । समान खेल खेलेको बेंगलोरले ७ खेलमा पराजित हुँदा ४ खेलमा जित निकाल्दै पुछारमा छ । बेंगलोरको घरेलु मैदानमा दिल्ली ४ विकेटले विजयी भएको थियो । 

दोस्रो खेलमा आज कोलकता नाइट राइडर्स र मुम्बई इन्डियन्सबीच प्रतिस्पर्धा हुने छ । खेल बेलुका ८ : १५ देखी इडेन गार्डेनमा सुरु हुने छ । दोस्रो स्थानमा रहेको मुम्बई विजयी भए प्ले अफमा पुग्ने निश्चित बन्दा कोलकता बाहिरिने छ ।

कोलकता विजयी भए प्ले अफको अंक गणीतिय आसा जीवतै राख्ने छ । मुम्बई ११ खेलमा ७ मा जित र ४ मा हारका साथ दोस्रो स्थानमा छ । कोलकता ११ खेलमा ७ मा हार र ४ मा जितका साथ साँतौ स्थानमा छ । 

सन्दीपको संभावना ?

सन्दीपले आजको खेलमा टिममा मौका पाउन सक्ने उच्च संभावना छ । फिरोज शाह कोटला स्पिनर उपयोगि मैदान हो । त्यसैले आजको खेलमा दिल्लीले दुई स्पिनर सन्दीप लामिछाने र अमित मिश्रा दुबैलाई मैदान उतार्न सक्ने प्रवल संभावना छ ।

एकै स्पिनर मैदान उतार्दा पनि सन्दीप पहिलो रोजाईमा पर्ने संभावना बढी छ । राजस्थानसँगको खेलमा प्रमुख स्पिनर अमित मिश्राले ३ ओभरमा २८ रन खर्चिदा कुनै विकेट लिएका थिएनन् । त्यसैले आजको खेलमा सन्दीप दिल्लीको पहिलो रोजाईको स्पिनरमा पर्न सक्छन् ।

 सन्दीपले आफ्नो पछिल्लो खेलमा पन्जावसँग ३ विकेट लिएका थिए । तर राजस्थानसँगको खेलमा सन्दीपले मौका पाएनन् । सन्दीपले जारी आईपीएलमा ५ खेलमा ८ विकेट लिएका छन् । राजस्थानसँगको खेलमा सन्दीपको स्थानमा मौका पाएका शेरफेन रदरफोर्डलाई १ ओभरमा १६ रन खर्चिएका थिए ।

तर दिल्लीले आज उनलाई मौका दिने संभावना देखिदैन । शेरफेनलाई मैदान उतार्दा दिल्लीको बलिङ रणनीति कमजोर बन्न पुग्छ । त्यसैले सन्दीपको संभावना उच्च देखिन्छ ।