एजेन्सी – एकदिवसिय क्रिकेट विश्वकप आगमी मे ३० देखी जुलाई १४ सम्म इंग्ल्यान्ड र वेल्समा संयुक्त रुपमा आयोजना हुँदैछ । विश्वकपको लागि सबै देशले आफ्नो १५ सदस्य टोली घोषणा गरि सकेका छन् । यस पटक घोषणा गरेका टोली हेर्दा भारत, अष्ट्रेलिया र इंग्ल्यान्ड विश्वकप जित्न सक्ने प्रमुख दावेदार देशको रुपमा हेरिएको छ ।

क्रिकेट करियरमा आफ्नो राष्ट्रबाट विश्वकप खेल्ने जो कोही खेलाडीको सबैभन्दा ठूलो सपना हुने गर्दछ । यस पटक भारतका ऋषभ पन्त,आम्बीत रायुडु, इंग्ल्यान्डका जोफ्रा आर्चर, श्रीलंकाका दिनेश चान्डिमल, अष्ट्रेलियाका पिटर हेन्डस्कम्व,वेस्ट इन्डिजका सुनिल नारायण र किराण पोलार्ड जस्ता स्टार खेलाडीले विश्वकपमा मौका पाएनन् ।

क्रिकेट इतिहासमा धेरै खेलाडीले दुई देशको प्रतिनिधित्व गर्दै क्रिकेट खेलेका छन् । तर केहि यस्ता खेलाडी छन् जसले दुई देशबाट विश्वकप खेल्ने दुर्लभ अवसर पाएका छन् । यस पटकको विश्वकपमा इंग्ल्यान्ड कप्तानी गर्न लागेका इओन मोर्गनसहित यी ४ खेलाडी जसले दुई देशबाट विश्वकप खेले थिए ।

४. केप्लर वेसल्स

दुई देशबाट विश्वकप खेल्ने केप्लर वेसल्स विश्वका पहिला खेलाडी हुन् । केप्लरको जन्म दक्षिण अफ्रिकाको ब्लोमफोटेनमा भएको थियो । दायाँ हाते ब्याट्सम्यान उनले सन् १९८३ को विश्वकप भने अष्ट्रेलियाबाट खेले । त्यो विश्कप खेलको ९ वर्षपछि सन् १९९२ मा उनले दक्षिण अफ्रिकाबाट विश्कप खेल्दै इतिहास रचे र दुवै देशबाट विश्वकप खेल्ने पहिलो खेलाडी बने ।

३. एन्डरसन कमिन्स

अलराउन्डर एन्डरसन कमिन्सले वेस्ट इन्डिज र क्यानडाबाट विश्वकप खेलका छन् । उनले सन् १९९२ को विश्वकपमा वेस्ट इन्डिजबाट खेलेका थिए । त्यस्तै सन् २००७ को विश्कपमा भने उनले क्यानडाबाट विश्वकप खेले । क्यानडाबाट विश्वकप खेलेसँगै उनि दुई देशबाट विश्वकप खेल्ने दोस्रो खेलाडी बन्न पुगे ।

२. एड जोएस

ब्याट्सम्यान जोएसको जन्म आयरल्यान्डको राजधानी डब्लिनमा भएको थियो । तर उनले पहिलो विश्वकप आफ्नो देशबाट खेलेनन् । उनले सन् २००७ विश्वकप इंग्ल्यान्डबाट खेले । उनले उक्त विश्वकपमा क्यानडाविरुद्ध अर्ध शतक पनि प्रहार गरेका थिए । तर सन् २०११ र २०१५ को विश्वकपमा भने उनी आयरल्यान्डको टोलीमा थिए ।

१. ओइन मोर्गन

सुन्दा अचम्म लाग्न सक्छ तर इंग्ल्यान्डका हालका कप्तान ओइन मोर्गनले पनि दुई देशबाट विश्वकप खेलेका छन् । मोर्गनको जन्म आयरल्यान्डकोे राजधानीमा भएको हो । उनले सन् २००७ को विश्वकप आफ्नो देश आयरल्यान्डबाट खेलेका थिए । सन् २०११ र सन् २०१५ मा भने उनले इंग्ल्यान्डबाट विश्वकप खेले । आगमी महिना हुने वान डे विश्वकपको लागि घरेलु टोली इंग्ल्यान्डले उनकै कप्तानीमा १५ सदस्य टोली घोषणा गरेको छ । उनले इंग्ल्यान्डको कप्तानी सम्हालेदेखि हाल इंग्ल्यान्ड वान डे क्रिकेटमा विश्वको नम्बर वान डे टोली समेत बनेको छ ।