सुर्खेत(हाम्रो खेलकुद) – सुर्खेतमा जारी दोस्रो संस्करणको वाईवाई कर्णाली प्रिमियर लिग (केपीएल) मा मंगलबार भएको खेलमा टोली त्रिभुवन आर्मी क्लब र न्यु होराइजन विजयी भएका छन् ।
आर्मीले मध्यपश्चिम क्रिकेट क्लबलाई १ सय ७ रनको फराकिलो अन्तरले पराजित गर्यो । पहिलो खेलमा शक्ति गौचन कप्तान रहेको न्यु होराइजन क्रिकेट एकेडेमीले हिमालयन क्रिकेट एकेडेमीलाई ५ विकेटले पराजित गर्यो ।
समुह ए बाट ३ खेलमा २ जित दर्ता गर्दै त्रिभुवन आर्मी क्लब सेमिफाइनलमा प्रवेश गरेको छ । सोहि समुहबाट ३ खेलमा ३ जित दर्ता गर्दै कर्णाली ११ ले यसअघि नै सेमिफाइनलमा स्थान बनाएको थियो। समुह बि बाट भने एपीएफ, न्यु होराइजन बुटवलको समान ४-४ अंक रहंदा बुधवार हुने खेलबाट सेमिफाइनलमा पुग्ने टोलीको टुङ्गो लाग्ने छ ।
कालिन्चोक मैदानमा मंगलबार टस जितेर ब्याटिङ गरेको आर्मीले निर्धारित २० ओभरमा ७ विकेट गुमाएर १ सय ७८ रन जोडेको थियो। उसका राजेश पुलामीले ५७ रन तथा हरि बहादुर चौहानले ५३ रन अर्ध शतकीय पाली खेले । राजेशले ३५ बलमा ५ चौका र ३ छक्का सहित ५७ रन जोड्दा हरिले ३७ बलमा ७ चौका र १ छक्का सहित ५३ रन जोडेका थिए ।।मध्यपश्चिमका अमित तामाङले २ विकेट लिए ।
१ सय ७९ रनको विजयी लक्ष्य पछ्याएको मध्यपश्चिम १६.४ ओभरमा अल आउट हुँदै ७१ रनमा समेटियो । उसका लागि प्रनित थापा मगरले १९, तुलसीराम अहिमले १२ र मनोज सुनार र आकाश बिष्टले समान १०(१० रन जोड्न बाहेक अन्य कुनै पनि ब्याट्सम्यानले दोहोरो अंकमा रन जोड्न सकेनन्।आर्मीका कुशल मल्लले सर्वाधिक ४ विकेट लिए । यस्तै सुसन भारी र साहब आलमको नाममा समान २(२ विकेट रह्यो।खेलको प्लेयर अफ द म्याच राजेश पुलामी घोषित भए।पहिलो खेलमा शक्ति गौचन कप्तानीको न्यु होराइजन क्रिकेट एकेडेमीले हिमालयन क्रिकेट एकेडेमीलाई ५ विकेटले पराजित गरेको थियो।
कालिन्चोक मैदानमा मंगलबार बिहान सम्पन्न खेलमा टस जितेर ब्याटिंग गरेको न्यु होराइजन क्रिकेट एकेडेमीले १८.२ ओभरमा सम्पूर्ण विकेट गुमाएर ९२ रन बनाउन सकेको थियो । हिमालयनको लागि दिपेन्द्र ऐरीले सर्वाधिक २५ रन बनाए। होराइजनका बलर अर्जुन रायमाझीले सर्वाधिक ३ शक्ति गौचन र गोविन्द खत्रीले समान २ विकेट लिए।
९३ रनको लक्ष्य न्यु होराइजनले १४ ओभरमा ५ विकेट गुमाउँदै पुरा गर्यो । निश्चल चौधरीले २९ बलमा ४ छक्का र ३ चौका मदतले अविजित ५० रन बनाएए । सुरज दराईले ११, अर्जुन रायमाझी र शक्ति गौचनले समान १० रन बनाए।लक्ष्य पछ्याउने क्रममा ३२ रनमै ५ विकेट गुमाएको होराइजनलाई निश्चल र शक्तिले ६६ रनको साझेदारी गर्दै जितसम्म पुर्याएका थिए। हिमालयन क्रिकेट एकेडेमीका पवन कार्कीले ३ तथा हेमन्त धामीले २ विकेट लिए ।
