एजेन्सी – इन्डियन प्रिमियर लिग (आईपीएल) अन्तर्गत चेन्नई सुपर किंग्स र दिल्ली क्यापिटल्स बिचको खेलमा सन्दीप लामिछाने अन्तिम समयमा बेन्चमा रहेका छन् । टसको समयमा दिल्लीका कप्तान श्रेयसले सन्दीप सुरुवाती रोजाइमा रहेको भनेपनि अन्तिम समयमा टोलीमा परिवर्तन गरिएको हो ।

चेन्नईको घरेलु मैदान एमए चिन्दरम स्टेडियमा टस जितेर बलिङ रोजेको दिल्लीले आजको खेलमा दुई खेलाडी परिवर्तन गरेको भनेपनि अन्तिम समयमा सन्दीपको स्थानमा क्रिस मोरिस खेलेका हुन् । सामान्य चोटका कारण कागीसो रबाडाको स्थानमा ट्रेन्ट बोल्ट टोलीमा आएका छन् । इशान्त शर्माको स्थानमा जगदिश सुचित टोलीमा परेका छन् । सन्दीप पनि चोटका कारण अन्तिम समयमा टोलीमा नपरेको आंकलन गरिएको छ ।

दिल्लीले आफ्नो अधिकारिक ट्वीटर तथा आईपीएलको अधिकारिक ट्वीटरमा पनि सन्दीप नै सुरुवाती रोजाईमा रहेको उल्लेख गरिएको थियो ।

Match 50. Delhi Capitals XI: P Shaw, S Dhawan, S Iyer, R Pant, C Ingram, S Rutherford, A Patel, S Lamichhane, A Mishra, J Suchith, T Boult https://t.co/OHphOco0JC #CSKvDC #VIVOIPL

— IndianPremierLeague (@IPL) May 1, 2019

चेन्नईले आफ्नो तीन मुख्य खेलाडीलाई यस खेलमा फिर्ता बोलाएको छ । पछिल्लो खेलमा विश्राम लिएका कप्तान महेन्द्रसिंह धोनीसहित रविन्द्र जडेजा र फफ डु प्लेसिस टोलीमा फर्किएका छन् ।

जारी आईपीएलमा सन्दीपले ६ खेलमा ८ विकेट लिएका छन् ।

दिल्लीको प्लेइङ ११ : शिखर धवन, पृथ्वी शा, श्रेयस ऐर(कप्तान), ऋषभ पन्त, कोलिन इनग्राम, शेरफेन रदरफोर्ड, अक्षर पर्टेल, ट्रेन्ट बोल्ट, क्रिस मोरिस (सन्दीप लामिछाने),अमित मिश्रा र जगदीश सुचित ।