इन्डियन प्रिमिएर लिग (आई.पी.एल) अन्तर्गत आइतबार भएको खेलमा सनराइजर्स हैदरबाद र गुजरात लायन्सले जित हात पारे |
आशा गरिएका ब्याट्सम्यान चल्न नसकेपछि १७८ रन पछ्याएको मुम्बई इन्डिएन्सले जम्मा ९२रन मात्र बनाउन सक्यो| मुम्बईको इनिंग्समा हरभजन सिंहले २१ रन बनाएका थिए भने पाण्ड्या र पोलार्डले १७ र ११ रन बनाए, अन्य कुनै ब्याट्सम्यानले दोहोरो अंक छुन सकेनन्| हैदरबादका लागि मुस्ताफिजुर रहमान र आसिश नेहराले ३-३ विकेट लिए|
यसअघी सिखर धवनले अविजित ८२(५७) रनको आक्रामक परि खेलेपछि हैदरबादले १७७ रनको योगफल तयार पार्यो| उसका लागि वार्नरले ४८(३३) र युवराज सिंहले ३९(२३) रन बनाए| मुम्बईका हरभजनले दुइ र मक्लिनघनले एक विकेट लिए|
दिनको अर्को खेलमा शिर्ष स्थानमा रहेको नाइट राइडर्सलाई हराउदै गुजरात लायन्स शिर्ष स्थानमा उक्लियो| १५८ रनको योगफल खादा गरेको कोलकाताले गुजरातको ब्याटिंग रोक्न सकेन र दुइ ओभर बाँकी रहदैं हार व्येहोर्यो| कोलकाताले सुरुवाती चार विकेट २४ रनको स्थितिमा गुमाए पनि युसुफ पठान र शकिब अल हसनले अविजित अर्धशतक प्रहार गर्दै उकासेका थिए|
तर, गुजरातका सबै ब्याट्सम्यानले राम्रो खेल देखाएपछि सहज जित हात पार्यो| उसका लागि ओपनर स्मिथले २७ र मक्कुलमले २९ र बनाए| विकेटकिपर कार्तिकले पनि ५१रनको सम्हालिएको पारी खेले| फिन्च्ले अन्तिममा आएर १० बलमा २९रन बनाएपछि टोलीको जित पक्का भएको थियो|
