एजेन्सी – मुम्बई इन्डियन्स र सनराइजर्स हैदरावादबीचको खेल सुपर ओभरमा पुगेको छ । १ सय ६३ रनको विजयी लक्ष्य पछ्याएको हैदरावादले २० ओभरमा ६ विकेटको क्षतिमा १ सय ६२ रन बनाएपछि सुपर ओभरमा पुगेको हो ।
हैदरावादलाई जितको लागि अन्तिम ओभरमा १७ रन चाहिएको थियो । पहिलो र दोस्रो बलमा हार्दिक पान्ड्याले एक एक रन दिए पनि तेस्रो बलमा मोहम्मद नाबीले छक्का प्रहार गरेपछि खेल थप रोचक अवस्थामा पुगेको थियो ।
लगतै अर्को बलमा भने ठूलो शट खेल्ने धुनमा नाबी सुर्य कुमार यादवबाट ३१ रनमा क्याच आउट भए । नाबीले २० बलमा समान २ चौका र छक्का प्रहार गरे । पाँचौ बलमा दुई र अन्तिम बलमा मनिष पान्डेले छक्का प्रहार गरेपछि खेल सुपर ओभरमा पुगेको हो ।
