चण्ढीगढ (एजेन्सी)- रोयल च्यालेन्जर्स बैंगलोरले इन्डियन प्रिमियर लिग (आइपिएल) मा सोमबार किड्स इलावन पञ्जाबमाथि १ रनको सनसनीपूर्ण जित हासिल गरेको छ । एबी डि भिलयर्सको अर्धशतकबाट प्रेरित बैंगलोरले पहिले ब्याटिड् गदै निर्धारित २० ओभरमा ६ विकेट गुमाएर १ सय ७५ रन बनाएको थियो । जवाफमा कप्तान मुरली विजयको उच्च प्रदर्शनका वावजुद पञ्जाबले ४ विकेट गुमाएर सय ७४ रन बनायो जसका कारण टोली १ रनले पराजित बन्यो ।
बैंगलोरका एबी डि भिलियर्स ब्याटिड्का क्रममा ।
पहिलो विकेटका लागि हासिम अमलासँग ४५ रनको साझेदारी गरेका मुरलीले ८९ रन बनाउँदै टोलीलाई जितको नजिक पुर्याएका थिए । तर टोलीले अन्तिम ओभरमा दुई छक्का प्रहार गरेर पनि खेल्न जित्न सकेन । ऋद्दिमान शाहले १६ रन बनाए भने मार्कुस स्टोनिसले अविजित ३४ रन जोडे । बंैगलोरका लागि शेन वाट्सन र युजभेन्दर चाहलले समान २ विकेट लिए
त्यसअघि डी भिलियर्सले तीब्रगतिमा रन जोड्ै बैंगलोरलाई उकासेका थिए । पहिलो विकेटका लागि कप्तान विराट कोहली र लोकेश राहुलले ६३ रनको साझेदारी गरेका थिए । राहुलले २५ बलमा ६ चौका र १ छक्कासहित ४२ रन बनाएपछि डी भिलियर्सले बंैगलोरको मोर्चा सम्हालेका थिए । तर, त्यसबीचमा कप्तान कोहली २० रनमा आउट भए । लगत्तै वाटसन १ रनमा आउट भए । त्यसपछि डी भिलियर्सले चौथो विकेटका लागि सचिन बाबीसँग ८८ रनको साझेदारी गरे । डी भिलियर्सले ३५ बलमा सर्वाधिक ६४ रन जोडे । उनले ५ चौका र २ छक्का प्रहार गरे । बाबीले २९ बलमा ३३ रन बनाए ।
