नेपालका युवा स्पिनर सन्दिप लामिछानेले हंगकंगमा खेल्ने भनिएको ब्लिट्ज टि२० प्रतियोगितामा उनकै टोलिबाट अष्ट्रेलियाका पुर्वकप्तान माइकल क्लार्क पनि खेल्ने भएका छन्|
गतवर्ष एशेसमा हार व्यहोरेपछि सन्यास लिएका क्लार्कले घरेलु प्रतियोगितामा पनि एकमात्र खेल खेलेका छन्| तर ३५वर्षे क्लार्कले पुन: खेलमा फर्कने बताएपछि उनलाई हंगकंगको कोलुन क्यान्टन्सले अनुबन्धनको प्रयास गरेको थियो| आफुले खेल कौशल मात्र नभएर उक्त देशको क्रिकेट विकासमा पनि सहयोग पुर्याउने विश्वास देखाउदै क्लार्कले खेल्ने प्रतिवद्धता ब्यक्त गरेका छन्|
यसअघी सन्दीपले पनि सोहि टोलीबाट हंगकंग ब्लिट्ज क्रिकेट खेल्ने पक्का भैसकेको छ| लेग स्पिनर सन्दिपले गत बर्ष बंगलादेशमा सम्पन्न यू–१९ विश्वकप क्रिकेटमा १४ विकेट लिएका थिए । राष्ट्रिय टोलीको डेब्यू खेलमा १ विकेट लिएका सन्दीपले वैशाख ६ मा नामिवियाविरुद्धकै अर्को खेलमा २ विकेट आफ्नो नाममा लेखाएका थिए ।
क्लार्क र सन्दीपले पहिलो खेल मे २८ तारिखमा हंग हम जे.डी. जगुअर्स संग खेल्ने छन्|
