बैंगलोर (एजेन्सी) -किरोन पोलार्ड र जोस बुट्लरले पाँचौं विकेटका लागि ५३ रनको साझेदारी गरेपछि मुम्बई इन्डियन्स ले इन्डियन प्रिमियर लिगमा बुधबार रोयल च्यालेन्सर्ज बैंगलोरलाई ६ विकेटले हराएको छ । पोलार्डले ३५ र बट्लरले २९ रन अविजित बनाएपछि मुम्बईले ४ विकेट गुमाउँदै ८ बलअघि नै आवश्यक १ सय ५२ भन्दा १ रन बढी १ सय ५३ रन बनाएका थियो । जितपछि मुम्बई १२ अंकसहित अंकतालिकाको चौथो स्थानमा छ । बैंगलोर (८) छैटौं स्थानमा छ ।

मुम्बईका जोस बट्लर ।

पोलार्डले १९ बलमा ३ चौका र २ छक्का प्रहार गरे । बट्लरले मात्र ११ बलमा १ चौका र ३ छक्का प्रहार गरे । त्यसअघि कप्तान रोहित शर्मा र अम्बाटी रायडुले दोस्रो विकेटका लागि ५८ रनको साझेदारी गदैै मध्यमलक्ष्य पछ्याएको टोलीलाई बलियो अवस्था तिर अघि बढाएका थिए । बैंगलोरका बरुण आरोनले २ तथा श्रीनाथ अरविन्द र युजविन्द्र चाहालाले एक एक विकेट लिए ।
त्यसअघि मुम्बईले टस जितेर बैंगलोरलाई ब्याटिड्को लागि बोलाएको थियो । आक्रामक ब्याट्सम्यान विराट कोहली र क्रिस गेललाई सस्तैमा गुमाएको बैंगलोरले ४ विकेट गुमाउँदै १ सय ५२ रन बनाएको थियो । कोहली ७ र गेल ५ रन बनाएर आउट भएपछि एबी डि भिलियर्स र लोकेश राहुलले तेस्रो विकेटका लागि ४३ रनको साझेदारी गर्दै टोलीलाई केही मजबुद अबस्थामा पुर्याएका थिए । राहुले अर्धशतक पुरा गरे भने डी भिलियर्सले २४ रन बनाए । राहुले ५३ बलमा ३ चौका र ४ छक्कासहित ६८ रन बनाए । सचिन बाीले २५ र सेन वाटसनले १५ रन बनाए । मुम्बईका टिम साउथी , जसप्रित बुमराहा र क्रुनाल पाण्डले एक एक विकेट लिए ।