एजेन्सी –इंग्ल्यान्ड र वेल्समा संयुक्त रुपमा आयोजना हुने एक दिवसिय विश्वकपको लागि सबै टोली अन्तिम तयारीको लागि वार्मअप खेलमा व्यस्त छन् । वार्मअपपछि हरेक टोलीले आफ्नो उत्कृष्ट ११ खेलाडी विश्वकपमा मैदानमा उतार्ने छन् ।

पछिल्लो समय इंग्ल्यान्डमा भएको खेलको प्रर्दशन हेर्दा यस पटक मैदान ब्याटिङ उपयोगी मानिएको छ । जसको कारण बलरको लागि निकै दबाब पर्न सक्ने अनुमान गरिएको छ । इंग्ल्यान्डको मैदान स्पिनर भन्दा तीब्र गतिका बलर उपयोगि मानिन्छ । छलाङ र स्विङ अत्याधिक हुने गर्दछ ।

विश्वकप अघि नै कुनै पनि खेलाडीले कस्तो प्रर्दशन गर्न सक्ला भनेर त्यस खेलाडीको क्षमता र पछिल्लो समयमा गरेका प्रर्दशनलाई आधार मानेर अनुमान गर्न सकिन्छ । त्यस्तै यी ५ खेलाडी जसले आफ्नो उत्कृष्ट प्रर्दशनमा टोलीको जित पक्का गर्नुको साथै सर्वाधिक विकेट लिने खेलाडी समेत बन्न सक्छन् ।

५. जोफ्रा आर्चर (इंग्ल्यान्ड)

इंग्ल्यान्डका तीव्र गतिका युवा बलर जोफ्रा आर्चरलाई यस विश्वकपमा विशेष महत्वको साथ हेरिएको छ । फ्रेन्चाइज लिग र घरेलु क्रिकेटमा निरन्तर उत्कृष्ट प्रर्दशन गरेपछि आर्चरले गत मे ३ मा आयरल्यान्डविरुद्ध डेब्यू गरेका थिए । डेब्यू गरेको तीन हप्तामै इंग्ल्यान्डको विश्वकप टोली अटाएका आर्चर योर्कर बलिङ गर्न सिपालु छन् । जस्तो सुकै दबाबमा पनि नियन्त्रणका साथ बलिङ गर्न सक्ने क्षमता उनिमा छ । केहि साता अघि भारतमा सम्पन्न आईपीएलमा पनि आर्चरले उत्कृष्ट प्रर्दशन गरेपछि इंग्ल्यान्डको टोली मौका दिएको थियो ।

पावर प्ले र डेथ ओभरमा उत्कृष्ट प्रर्दशन गर्ने आर्चरको गतीको बलिङको समाना गर्न विश्वका जुन सकै ब्याट्सम्यानलाई धौं–धौं पर्दछ । पहिलो पटक उपाधि जित्ने दाउमा रहेको इंग्ल्यान्डलाई आर्चरको प्रर्दशन निमै महत्वपूर्ण हुने छ । आर्चरलाई घरेलु मैदानको बारे राम्रोसँग थाहा छ । जसको फाईदा उठाईदै यस विश्वकपमा आर्चर सर्वाधिक विकेट लिने खेलाडी बन्न सक्छन् ।

४. मिचेल स्टार्क (अष्ट्रेलिया)

तीव्र गतिका बलर मिचेल स्टार्कले यस विश्वकपमा पनि आफ्नो दवदबाह कायमै राख्न सक्छन् । १६०.४ को प्रतिघण्टा स्पिडमा बलिङ कतिपय ब्याट्सम्यानले पत्तो समेत पाउन सक्दैनन् । उनको बलमा क्रिजमा टिक्न जो कोही ब्याट्सम्यानलाई धौ–धौ पर्ने गर्दछ । स्टार्क गतिसँगै स्विंग र योर्कर फ्याक्न पनि त्यतिनै सिपालु छन् । सन् २०१५ को विश्वकपमा अष्ट्रेलियालाई च्याम्पियन बनाउन ८ खेलमा ३.५० को इकोनमीमा रन खर्चिदै २२ विकेट लिदै म्यान अफ द सिरिज घोषित भएका थिए । वेस्ट प्रर्दश ६–२८ थियो ।

स्टार्क सर्वाधिक छिटो १ सय विकेट पुरा गर्ने खेलाडी पनि हुन् । पछिल्लो एक वर्ष यता चोटका कारण टोली बाहिर रहेका स्टार्क आफ्नो उत्कृष्ट प्रर्दशनमा अष्ट्रेलिया जित पक्का गर्न आतुर पनि देखिन्छन् । उनले ७५ ओडीआईमा १ सय ४५ विकेट लिदा ईकोनमी रेट ४.९४ र वेस्ट प्रर्दशन ६–२८ रहेको छ । इंग्ल्यान्डको मैदानमा तीब्र गतिका बलरलाई राम्रो साथ मिल्ने हुँदा स्टार्कले उत्कृष्ट प्रर्दशन गर्दै यो विश्वकपमा पनि सर्वाधिक विकेट लिने खेलाडी बन्न सक्छन् ।

३. कागिसो रबाडा (दक्षिण अफ्रिका)

२४ वर्षिय दक्षिण अफ्रिकी तीब्र गतिका युवा बलर कागिसो रबाडाले छोटो समयमै विश्व क्रिकेटमा आफ्नो प्रभाव जमाएका छन् । निरन्तर उत्कृष्ट प्रर्दशन गर्दै आएका रवाडाले दिल्ली क्यापिटल्सलाई ७ वर्षपछि आईपीएलको प्ले अफमा पुर्याउन उत्कृष्ट प्रर्दशन गर्दै १२ खेलमा २५ विकेटका लिएका थिए । यस आईपीएलमा रबाडा सर्वाधिक विकेट लिने दोस्रो खेलाडी समेत बने । चोटका कारण आईपीएलमा अन्तिममा केहि खेल गुमाएका रबाडा पूर्णरुपमा फिट भई सकेका छन् ।

रवाडा जस्तो सुकै दबाबमा पनि हरेक बलमा योर्कर गर्न सक्ने क्षमता राख्दछन् । दक्षिण अफ्रिकाबाट ६५ ओडीआईमा ४.९८ इकोनमिमा रन खर्चिदै कुल १ सय ६ विकेट आफ्नो नाममा लेखाएका छन् । वेस्ट प्रर्दशन ६–१६ छ । रबाडाले विश्वकपमा उत्कृष्ट प्रर्दशन गर्दै सर्वाधिक विकेट लिने खेलाडी बन्न सक्छन् ।

२. टेन्ट्र बोल्ट (न्युजिल्यान्ड)

न्युजिल्यान्डका तीब्र गतिका बलर टेन्ट्र बोल्ट ब्याट्सम्यानलाई बोल्ड आउट गर्न सिपालु छन् । स्विंम बलिङमा ब्याट्सम्यानलाई एलवी डब्लू धराप र बोल्ड आउट गर्ने क्षमता उनिमा छ । पावर प्ले र डेर्थ ओभरमा उत्कृष्ट प्रर्दशन गर्ने बोल्टले आफ्नो गतिमा विपक्ष्यलाई सहजै धरासयी बनाउँदै न्युजिल्यान्डको जित सहज बनाउन सक्छन् । सन् २०१५ को विश्वकपमा न्युजिल्यान्डलाई फाइनल सम्म पुर्याउन ९ खेलमा २२ विकेट लिदै सर्वाधिक विकेट लिने खेलाडीमा दोस्रो स्थानमा रहेका थिए । बोल्टले ७९ खेलमा १ सय ४७ विकेट लिएका छन् । जसमा इकोनमी रेट ५.०७ हुँदा वेस्ट प्रर्दशन ७–३४ छ ।

शनिवार वार्मअप खेलमा भारतविरुद्ध बोल्टले उत्कृष्ट प्रर्दशन गर्दै ४ विकेट लिएपछि न्युजिल्यान्डले सहज जित हात पारेको थियो । वार्मअप खेलको प्रर्दशनले उनले मनोबल अझै उच्च बनेको छ । इंग्ल्यान्डको मैदान पनि बोल्टको गतिलाई साथ मिल्ने हुँदा यो विश्वकपमा उनि सर्वाधिक विकेट लिने खेलाडी बन्न सक्छन् ।

१. जसप्रित बुमराह (भारत)

तीव्र गतिका बलर जसप्रित बुमराह भारतका लागि यस विश्वकपमा प्रमुख हतियार हुन् । छोटो समयमै विश्व क्रिकेटमा राज जमाएका बुमराहको यो पहिलो ओडीआई विश्वकप समेत हो । वान डे क्रिकेटमा विश्वकपका नम्बर वान बलर समेत रहेका बुमराह आफ्नो उत्कृष्ट प्रर्दशनमा विपक्ष्यलाई सस्तैमा रोक्न र कठिन जितलाई सहज बनाउन सक्छन् । उनको बलिङमा रन जोड्न सबै ब्याट्सम्यानलाई कठिन हुने पर्दछ ।

पावर प्ले र डेर्थ ओभरमा उत्कृष्ट प्रर्दशन गर्ने बुमराहको बलमा ब्याट्सम्यान रन लिन भन्दा पनि क्रिजमा बच्न खोज्ने गर्दछ । योर्कर मास्टरको उमनाम पाएका बुमराह पछिल्ला तीन वर्षमा भारतबाट पहिलो रोजाईको तीब्र गतिको बलरको रुपमा खेल्दै आएका छन् । ४९ ओडीआईमा ८५ विकेट लिदा ईकोनमी रन ४.५१ को र वेस्ट प्रर्दशन ५–२७ छ । एक महिना अघि सम्पन्न आईपीएमा मुम्बई इन्डियन्सलाई च्याम्पियन बनाउन १९ विकेट लिदै उत्कृष्ट प्रर्दशन गरे । पछिल्लो समय उत्कृष्ट प्रर्दशन गर्दै आएका बुमराहले यस विश्वकपमा पनि त्यहि लयलाई निरन्तरता दिदै सर्वाधिक विकेट लिने खेलाडी बन्न सक्छन् ।