एजेन्सी – न्युजिल्यान्डका कप्तान केन विलियमसनले वेस्ट इन्डिजबीरुद्ध शतक प्रहार गरेका छन् । इंग्ल्यान्ड र वेल्समा जारी एकदिवसिय विश्वकप क्रिकेट प्रतियोगितामा कप्तान केन विलियमसनको यो लगातार दोस्रो शतक हो ।
विलियमसनले यस अघि दक्षिण अफ्रिकासँग पनि अविजित शतक प्रहार गरेका थिए । विलियमसनले १ सय २४ बलमा आफ्नो वान डे करियरको १३ औं शतक पुरा गरे । विलियमसनले ३७.३ ओभरमा चौका प्रहार गर्दै शतक पुरा गरेका थिए । विलियमसन १ सय २६ बलमा ८ चौका प्रहार गर्दै १ सय ४ रनमा अविजित छन् । उनलाई टम लेथमले ४ रनमा साथ दिएका छन् ।
टस हारेर पहिला ब्याटिङ थालेको न्युजिल्यान्डले पहिलो बलमै ओपनर मार्टिन गुप्टिललाई शुन्यमा गुमाएको थियो । गुप्टिललाई शिल्डन कर्टेलले एलवी डब्लू आउट गरे । एसै ओभरको पाँचौ बललमा उनले अर्का ओपनर कोलिन मुनरोलाई शुन्यमा बोल्ड आउट गरेपछि न्युजिल्यान्ड दबाबमा परेको थियो । तर विलियमसन र रोश टेलरले तेस्रो विकेटका लागि १ सय ६० रनको उत्कृष्ट साझीदारी गर्दै इनिङ उकासे । यी दुईशीचको साझेदारी ३५ ओभरको तेस्रो बलमा क्रिस गेलले कप्तान जोसन होल्डरबाट ६९ रनमा क्याच गराउँदै तोडे । टेलरले ९५ बलमा ७ चौका प्रहार गरे ।
न्युजिल्यान्डले यो समचार तयार पार्न सम्म ३८ ओभरमा १ सय ८३ रन बनाउन ३ विकेट गुमाएको छ ।
