एजेन्सी – वेस्टइन्डिजका विष्फोटक ब्याट्सम्यान तथा अलराउन्डर आन्द्रे रसेल इंग्ल्यान्ड र वेल्समा जारी एक दिवसिय विश्वकप प्रतियोगिताबाट बाहिरिएका छन् ।
घाइते आन्द्रे रसेलले विश्वकप गुमाउने भएपछि उनको स्थान शीर्षक्रमका ब्याट्सम्यान सुनिल एम्ब्रिसले लिने छन् । रसेलले जारी विश्वकपमा ४ खेलमा ५ विकेट लिनुका साथै ३६ रन बनमात्रै बाउन सके ।
इन्डियन प्रिमियर लिग आईपीएलमा उत्कृष्ट प्रर्दशन गर्दै वेस्ट इन्डिजको विश्वकप टोलीमा स्थान बनाएका रसेलको विश्वकपमा प्रर्दशन भने अपेक्षाकृत रहेन ।
वेस्टइन्डिज ६ खेलमा १ मा जित निकाल्दै आठौं स्थानमा छ । वेस्टइन्डिजले आफ्नो साँतौ खेल आगमी बिहिबार भारतसँग खेल्ने छ । वेस्टइन्डिजको शीर्ष चारमा रहेर सेमिफाइनल खेल्ने अंक गणीतिय झिनो संभावना मात्रै बाँकी छ ।
