नयाँ दिल्ली – कप्तान डेभिड वार्नरले उच्च प्रदर्शनलाई निरन्तरता दिएपछि शुक्रबार सनराजर्स हैदराबाद इन्डियन प्रिमियर लिग (आइपिएल) को फाइनलमा पुगेको छ । दोस्रो प्ले अफमा गुजरात लायन्सलाई ४ विकेटले हराउँदै हैदराबाद उपाधि नजिक पुगेको हो । हैदराबादले आइतबार हुने फाइनलमा रोयल च्यालेन्सर्ज बैंगलोरको सामना गर्ने छ । लिग चरणमा शीर्षस्थानमा रहेको गुजरात भने प्रतियोगिताबाट बाहिरिएको छ।

 

कप्तान एवंम ओपन वार्नरले अविजित ९३ रन बनाएपछि १ सय ६३ रनको लक्ष्य हैदराबादले ४ बल अघिनै जित हासिल गरेको थियो । अविजित २७ रन बनाउँदै विपुल शर्माले वार्नरलाई साथ दिएका थिए । वार्नर र शर्माले सातौं विकेटका लागि ४६ रनको महत्वपूर्ण साझेदारी गरेका थिए । यी दुई बाहेक मोसिस हेन्रिक्वेजले ११ र नमन ओझाले १० रन बनाएका थिए । अन्य कुनै पनि ब्याट्सम्यानले दोहोरो अंकमा रन बनाउन सकेनन् । ५८ बल खेल्दै म्यान अफ दी म्याच वार्नरले ११ चौका र ३ छक्का प्रहार गरेका थिए । शर्माले ११ बल खेले र ३ चौका प्रहार गरे । अर्का ओपनर शिखर धवन शून्य रनमा आउट भए भने युवराज सिंहले ८ रनमात्र जोडे । दीपक होड्डाले ४, बेन कटिङले ८ रन बनाए ।  गुजरातका शिवि कौशिक र ड्वान ब्राभोले समान २ तथा ड्वान स्मिथले १ विकेट लिए ।
इन्डियन प्रिमियर लिग (आइपिएल)मा दोस्रो प्ले अफमा सनराइजर्स हैदाराबादलाई १ सय ६३ रनको लक्ष्य पुरा गर्ला ? पाएको छ । पहिले ब्याटिङ गरेको गुजरात लायन्सले ७ विकेटको क्षेतिमा १ सय ६२ रन बनाएको छ ।
त्यसअघि हैदराबादले टस जितेर गुजरातलाई पहिले ब्याटिङका लागि आमन्त्रण गरेको थियो । आरोन फिन्चले अर्धशतक पुरा गरेपछि गुजरातले १ सय ६२ रनको प्रतिस्पर्धात्मक स्कोर खडा गरेको थियो । पाँचौं नम्बरमा ब्याटिङ अस्ट्रलियन फिन्चले ३२ बलमा ७ चौका र २ छक्कासहित ५० रन बनाएका थिए । उनी कटिङको बलमा आउट भएका थिए । टोलीका ओपनर पूर्व न्युजिल्यान्ड कप्तान ब्रेन्डन म्याकलमले २९ बलमा ५ चौका साथ ३२ रन बनाए । रन आउट भएका दिनेश कार्तिकले २६ रन जोडेका थिए भने ड्वान ब्राभोले २० रन जोडे । रविन्द्र जडेजा अविजित १९ रनमा अविजित रहे ।
हैदराबादका भुवेश्नवर कुमार र कटिङले समान २ तथा विपुल शर्मा र ट्रेन्ट बोल्टले समान १ विकेट लिए ।
लिग चरणमा शीर्षस्थानमा रहेको गुजराज पहिलो प्ले अफमा बैंगलोरसँग ६ विकेटको पराजित भएको थियो । त्यसपछि दोस्रो प्ले अफको मौका पाएका गुजरात आज हैदराबादसँग पराजित भएपछि प्रतियोगिताबाट बाहिरयो । लिगमा चौथो स्थानमा रहेको हैदराबादले दुई पटकको च्याम्पियन कोलकाता नाइट राइडर्सलाई २२ रनले हराएर दोस्रो प्ले अफका लागि छनोट भएको थियो ।