बैंगलरु (एजेन्सी) – इन्डियन प्रिमियर लिग (आइपिएल) फाइनलमा रोयल च्यालेन्जर्स बैंगलोरले २ सय ९ रनको लक्ष्य पाएको छ । टस जितेर पहिले ब्याटिङ गरेको सनराइजर्स हैदराबादले कप्तान डेभिड वार्नरको अर्धशतकको मद्दतमा निर्धारि २० ओभरमा ७ विकेट गुमाउर २ सय ८ रन जोडेको छ ।
पहिलो विकेटका लागि शिखर धवनसँग ६३ रनको साझेदारी गरेका वानर्रले ३८ बलमा ८ चौका र ३ छक्काका साथ ६९ रन बनाए । टोलीका लागि तल्लो क्रममा आएर बेन कुटिङले आक्रमक प्रदर्शन गरे । १५ बल खेलेका उनले ४ छक्का र ३ चौका साथ अविजित ३९ रन जोडेपछि हैदराबाले २ सय रनको आँकडा पार गयो ।
युवराज सिंहले ३८ रन बटुले । उनले २३ बलमा ४ चौका र २ छक्का प्रहार गरे । अर्का ओपनर धवनले २५ बलमा ३ चौका र १ छक्का मद्दतमा २८ रन जोडे । बैंङ्लोरका लागि क्रिस जोडेनले ३, श्रीनाथ अरविन्दले २ र युजभेन्द्र चाहलाले १ विकेट लिए ।
