बैंगलरु (एजेन्सी) – सनराइजर्स हैदराबादले इन्डियन प्रिमियर लिग (आइपिएल) च्याम्पियन बनेको छ । रोमाञ्चक फाइनलमा रोयल च्यालेन्जर्स बैंगलोरलाई ८ रनले हराउँदै हैदराबाद आइपिएल नवौं संस्करणको विजेता बनेको हो ।

अर्धशतक बनाएका हैदराबादका कप्तान डेविड वार्नर ।

२ सय ९ रनको लक्ष्य पाएको छ बैंगलोरले निर्धारित २० ओभरमा ७ विकेट गुमाएर २ सय रन बनाएको थियो । त्यसअघि टस जितेर पहिले ब्याटिङ गरेको सनराइजर्स हैदराबादले कप्तान डेभिड वार्नरको अर्धशतकको मद्दतमा निर्धारि २० ओभरमा ७ विकेट गुमाउर २ सय ८ रन बनाएको थियो । पहिलो विकेटका लागि शिखर धवनसँग ६३ रनको साझेदारी गरेका वानर्रले ३८ बलमा ८ चौका र ३ छक्काका साथ ६९ रन बनाए । टोलीका लागि तल्लो क्रममा आएर बेन कटिङले आक्रमक प्रदर्शन गरे । १५ बल खेलेका उनले ४ छक्का र ३ चौका साथ अविजित ३९ रन जोडेपछि हैदराबाले २ सय रनको आँकडा पार गयो ।
युवराज सिंहले ३८ रन बटुले । उनले २३ बलमा ४ चौका र २ छक्का प्रहार गरे । अर्का ओपनर धवनले २५ बलमा ३ चौका र १ छक्का मद्दतमा २८ रन जोडे । बैंङ्लोरका लागि क्रिस जोडेनले ३, श्रीनाथ अरविन्दले २ र युजभेन्द्र चाहलाले १ विकेट लिए ।
विशाल लक्ष्य पछ्याएको बैंगलोरले दमदार सुरुआत गरेको थियो । अन्य खेलमा खासै जम्न नसकेका क्रिस गेलले सर्वाधिक ७६ रन बनाएका थिए । उनले पहिलो विकेटका लागि कप्तान विराट कोहलीसँग १०.३ ओभरमा १सय १४ रनको साझेदारी गरेका थिए । गेलले ३८ बल खेल्दै ८ चौका र ४ चौक्का प्रहार गरे । यो आइपिएलमा सर्वाधिक रन बनाएका कोहलीले ३५ बलमा ५ चौका र २ चौकासहित ५४ रन बनाए । पहिलो प्ले अफमा एक्लै गुजराज लायन्सविरुद्ध हावी भएको एबी डि भिलियर्सले फाइनलमा भने ५ रन मात्र बनाउन सके । लोकेश राहुलले ११ रन बनाए । सेन वाट्सन पनि ११ रनभन्दा अघि जान सकेनन् । हैदराबादका कटिङले २, बिरेन्दर स्रान, मुस्ताफिजुर रहमान र विपुल शर्माले समान १ विकेट लिए ।
लिग चरणमा चौथो स्थानमा रहेको हैदराबादले कोलकाता नाइट राइजर्सलाई हराउँदै दोस्रो प्ले अफका लागि छनोट भएको थियो । त्यसमा गुजरातलाई हराउँदै बैंगलोरसँगको भेट पक्का गरेको थियो ।

हैदराबादसँग ८ रनले पराजित भएपछि बैंगलोरका कप्तान विराट कोहली (बायाँ) ।

बैंगलोरका क्रिस गेल (बायाँ) को विकेट लिएपछि खुँसी मनाउँदै हैदराबादका बेन कटिङ ।