काठमाडौं (हाम्रो खेलकुद) – नेपालले एसीसी यू१९ एसिया कप क्रिकेट प्रतियोगिताको आफ्नो दोस्रो खेलमा बंगलादेशविरुद्ध मध्यम प्रर्दशन गरि रहेको छ ।
टस हारेर ब्याटिङ गरि रहेको नेपालले सुरुवाती २६ ओभरमा ९० रन बनाउन २ विकेट गुमाएको छ । नेपालका लागि ओपनर पवन सरार्फ ६१ बलमा १ चौका सहित २२ रनमा खेलि रहेका छन् । पवनलाई साथ दिई रहेका अलराउन्डर कुशल मल्ल भने आक्रमक शैलीमा प्रस्तुत भएका छन् । कुशलले ३० बलमा चौका १ र ३ छक्का सहित २७ रन जोडी सकेका छन् । तेस्रो विकेटका लागि कुशल र पवनबीच ३५ रनको साझेदारी भई सकेको छ ।
१४ ओभरको पाँचौ बलमा ओपनर रित गौतम ३२ रनमा बोल्ड आउट भए । रितले बोल्ड आउट हुनुअघि ५३ बलमा ३ चौका र १ छक्का प्रहार गरे । पहिलो विकेटका लागि रित र पवन सरार्फले ४५ रनको साझेदारी गर्दै मध्यम सुरुवात दिलाए । १७ ओभरको अन्तिम बलमा आशिफ शेख १२ बलमा ३ रन जोड्दा क्याच आउट भए ।
