काठमाडौं(हाम्रो खेलकुद) – ओपनर पवन सरार्फले एसीसी यू१९ एसिया कप क्रिकेट प्रतियोगितामा बंगलादेशविरुद्ध अर्ध शतक पुरा गरेका छन् । पवनले ७९ बलमा ५ चौका र १ छक्का सहित ५० रन पुरा गरेका हुन् । पवनको अर्धशतकसँगै टस हारेर ब्याटिङ गरि रहेको नेपालले ३१ ओभरमा १ सय २५ रन बनाउन ३ विकेट गुमाएको छ ।

रोहित कुमार पौडेल ५ रनमा अविजित छन् । पहिलो विकेटका रुपमा १४ ओभरको पाँचौ बलमा ओपनर रित गौतम ३२ रनमा बोल्ड आउट भए । रितले ५३ बलमा ३ चौका र १ छक्का प्रहार गरे । पहिलो विकेटका लागि रित र पवन सरार्फले ४५ रनको साझेदारी गर्दै मध्यम सुरुवात दिलाए ।

१७ ओभरको अन्तिम बलमा आशिफ शेख १२ बलमा ३ रनमा क्याच आउट भए । आक्रमक शैलीमा प्रस्तुत भएका कुशल मल्ल २७ ओभरको पाँचौ बलमा २८ रनमा क्याच आउट भए । ठूलो सटको धुनमा क्याच आउट हुनुअघि कुशलले ३२ बलमा ३ छक्का र १ चौका प्रहार गरे ।