काठमाडौं (हाम्रो खेलकद)– आयोजक ओमानले टि ट्वान्टी सिरिजको अन्तिम खेलमा नेपालविरुद्ध ६५ रनको सामान्य लक्ष्य पछ्याएको छ ।
पाँच राष्ट्र सम्मिलित सिरिजका अघिल्ला तीन खेलमा सन्तोषजनक प्रदर्शन गर्दै २ खेल जितेको नेपाल ओमानविरुद्ध भने निकै कमजोर रह्यो । पहिले ब्याटिङ गरेको नेपालले ११ ओभरमा सबै विकेट गुमाएर मात्र ६४ रन बनायो ।
टोलीका लागि आरिफ शेख र उप कप्तान दीपेन्द्र सिंह ऐरीले मात्र दोहोरो अंकमा रन जोड्न सके । बाँकी कुनै पनि खेलाडीले दोहोरो अंकमा रन जोड्न सकेनन् ।
आयरल्यान्ड्सँग १३ रनले पराजित हुनु अघि नेपालले सिरिजका सुरुवाती २ खेलमा हङकङ र नेदरल्यान्ड्सलाई हराएको थियो । ओमानले भने यसअघिका सबै ३ खेल जितेको थियो ।
