भारतलाई टेष्ट सिरिज

एजेन्सी– भारतले दक्षिण अफ्रिकाविरुद्धको तीन टेष्टको सिरिज जितेको छ । एक इनिङ्स र १ सय ३७ रनले दोस्रो टेष्ट जितेसँगै भारतले सिरिज आफ्नो पक्षमा पारेको थियो । पहिलो टेष्ट भारतले २ सय ३ रनले जिते भारतले अन्तिम टेष्ट अघि नै सिरिज आफ्नो नाममा लेखाएको छ ।

पहिलो इनिङ्स २ सय ७५ रनमा आउट हुँदै फलो अनमा परेको दक्षिण अफ्रिकालाई भारतले दोस्रो इनिङ्स खेल्न बोलाएको थियो । जहाँ दक्षिण अफ्रिका चौथो दिनको चिया समयपछि १ सय ८९ रन जोड्दा अलआउट भएको थियो । भारतले ५ विकेटको क्षतिमा ६ सय १ रन बनाउँदै इनिङ्स समाप्तीको घोषणा गरेको थियो ।

डिएन इल्गारले टोलीका लागि सर्वाधिक ४८ रन जोडे । टेम्बा बाभुमाले ३८, भेर्नोन फिलेन्डरले ३७ र केशव महाराजले २२ रन बनाउन बाहेक कुनै पनि ब्याट्सम्यानले दोहोरो अंकमा रन बनाउन सकेनन् ।

भरतका लागि उमेश यादव र रविन्द्र जडेजाले समान ३, रविचन्द्रन आश्विनले २ तथा इशान्त शर्मा र मोहम्मद सामीले समान १ विकेट लिएका थिए । दोहोरो शतक बनाएका भारतीय टोलीका कप्तान विराट कोहली प्लेयर अफ दी म्याच घोषित भए । तेस्रो तथा अन्तिम टेष्ट राचीमा अक्टुबर १९ मा सुरु हुनेछ ।