काठमाडौं(हाम्रो खेलकुद) – वुमन्स च्याम्पियन्स टि ट्वान्टी क्रिकेट लिग प्रतियोगिताको उद्धघाटन खेलमा क्याट क्वीन्स काठमाडौंले चितवन राइनोजलाई ९३ रनको लक्ष्य दिएको छ ।

टियु क्रिकेट मैदानमा टस हारेर ब्याटिङको निम्तो पाएको काठमाडौं २० ओभरमा अल आउट हुँदै ९२ रनमा समिटियो । काठमाडौंका लागि ओपनर रश्मी शर्मा चौलागाईं र शोभा आलेले ५.३ ओभरमा ४० रनको साझेदारी गर्दै राम्रो सुरुवात दिलाएपनि मध्यक्रम र तल्लोक्रमका ब्याट्सम्यान चल्न नसक्दा सस्तैमा समेटिनु परेको हो । चौलागाईं ३४ रनमा आउट भएसँगै काठमाडौंको विकेट निरन्तर गुम्दा ठूलो योगफल बनाउन चुकेको हो ।

छैटौं ओभरको तेस्रो बलमा रेखा रावलले बोल्ड आउट गर्नु अघि उनले २५ बलमा ७ चौका प्रहार गरिन् । रेखाले आठौं ओभरको पाँचौ बलमा अर्की ओपनर शोभा आलेलाई ९ रनमा बोल्ड आउट गरिन् । अप्सरी बेगम ६ रनमा क्याच आउट हुदा कप्तान रुविना क्षेत्री वेलाबासी नवौं ओभरको पाँचौ बलमा १ रनमा रन आउट भएपछि काठमाडौं दबाबमा परेको थियो ।

सरस्वती कुमारीले २६ बलमा १ चौका सहित १५ रन जोड्नि । काठमाडौंका ९ ब्याट्सवुमेनले दोहोरो अंकमा रन जोड्न सकेनन् ।

चितवनका लागि रेखा रावलले ४ ओभरमा २० रन खर्चेर २ विकेट लिइन् । त्यस्तै कविता गौतमले ४ ओभरमा १ मेडन सहित १४ रन खर्चेर २ विकेट हात पारिन् । सन्तोषी चौधरीले ४ ओभरमा १४ रन खर्र्चेर ३ विकेट लिइन् । रितु कनौजियाको नाममा १ विकेट रह्यो ।