काठमाडौं (हाम्रो खेलकुद) – कप्तान रुविना क्षेत्री वेलवासीले उत्कृष्ट प्रर्दशनमा वुमन्स च्याम्पियन्स लिग टि२० क्रिकेट प्रतियोगितामा क्याट क्विन्स काठमाडौंले पहिलो जित हात पारेको छ । काठमाडौंले पोखरा पल्टनलाई ८२ रनले पराजित गरेको हो । पहिलो खेलमा काठमाडौं चितवन राइनोजसँग ५ विकेटले पराजित भएको थियो ।

१ सय ५३ रनको विजयी लक्ष्य पछ्याएको पोखरा १६.५ ओभरमा अल आउट हुँदै ७० रनमा समेटियो । कप्तान सिता राना मगरले सर्वाधिक १७ रनको योगदान दिइन् । छैटौं ओभरको तेस्रो बलमा रन आउट हुनुअघि सिताले १३ बलमा ३ चौका प्रहार गरे । रुबी पोदर ९,विन्दु रावल १३,कविता कुवर डक,सरस्वती घर्ती मगर १,अन्जली चन्द ८ रनमा आउट भए ।

पोखराका ५ ब्याटर रन आउटको शिकार बनेका थिए । अनुराधा चौधरी ८ रनमा अविजित रहिन् । काठमाडौंकी सरस्वती कुमारी र अप्सरी वेगमले समान २ विकेट लिए । लक्ष्मी साउदको नाममा १ विकेट रह्यो ।

त्यसअघि बिहीबार बिहान टियु क्रिकेट मैदानमा टस हारेर ब्याटिङको निम्तो पाएको काठमाडौंले निर्धारित २० ओभरमा ५ विकेटको क्षतिमा १ सय ५२ रन बनाएको थियो । काठमाडौंकी कप्तान रुविना क्षेत्री वेलवासी ८३ रनमा अविजित रहिन् । उनले ६७ बलमा १४ चौका र २ छक्का प्रहार गरिन् ।

रुविनाले ४७ बलमा डब्लूसिएलकै पहिलो अर्धशतक पुरा गरिकी थिइन् । योसँगै रुविना नेपाली महिला फे्रन्चाइज टि२० लिगमा अर्ध शतक प्रहार गर्ने पहिलो खेलाडी बनिकी छिन् । रुविना १० औं ओभरको तेस्रो बलमा ब्यक्तिगत १९ रनमा खेली रहेको अवस्थामा जिवनदान पाएकी थिन् । एलवी डब्लू आउट हुँदै पेभिलिएन फर्किदा नो बल देखाउँदै थर्ड एम्पारले नट आउट दिएका थिए ।

दोस्रो ओभरको पाँचौ बलमा ओपनर शोभा आलेलाई १२ रनमा गुमाएको थियो । उनलाई कविता कुवरले रुबी पोदरबाट क्याच आउट गराउन् । तेस्रो ओभरको दोस्रो बलमा अर्की ओपनर रश्मी शर्मा चौलागाईंलाई २ रनमा बोल्ड आउट भइन् । तेस्रो विकेटका लागि रोमा थापा र रुविनाले ६४ रनको साझेदारी गरेका थिए । ११ ओभरको अन्तिम बलमा क्याच आउट हुनुअघि थापाले २३ बलमा ३ चौका सहित १९ रनमा जोडिन् ।

अनुराधा चौधरीले १३ औं ओभरको पहिलो बलमा अप्सरी बेगमलाई १ र दोस्रो बलमा ममता थापालाई शून्यमा आउट गरिन् । इश्वरी बिष्ट १० रनमा अविजित रहिन् । पोखराकी अनुराधा चौधरीले ४ ओभरमा २८ रन खर्चेर ४ विकेट लिएपनि जितको लागि प्राप्त भएन । कविता कुवरको नाममा १ विकेट रह्यो । काठमाडौंले तेस्रो खेल शनिबार विराटनगर टाइटन्ससँग खेल्ने छ । त्यस्तै पोखराले शुक्रबार विराटनगर टाइटन्ससँग खेल्ने छ ।