एजेन्सी – पाकिस्तान क्रिकेट बोर्डले शरफराज अहमदलाई टेष्ट र टी ट्वान्टीको कप्तानबाट हटाएको छ । पाकिस्तानले टेष्टमा अजहर अली र टि ट्वान्टीमा बाबर आजमलाई कप्तानको जिम्मेवारी दिएको छ ।

यसै महिना अष्ट्रेलियासँग हुने तीन टि ट्वान्टी र २ टेष्ट सिरिज अघि पाकिस्तानले शरफराजलाई टेष्ट र टि २० कप्तानबाट हटाउने निर्णय गरेको हो । शरफराजको कप्तानीमा पाकिस्तानले सन् २०१७ मा भारतलाई च्याम्पियन्स ट्रर्फिको फाइनलमा हराउँदै उपाधि जितेको थियो ।

त्यस्तै शरफराजले पाकिस्तानलाई आईसीसी टि ट्वान्टी वरियतामा नम्बर १ स्थानमा पुर्याएका छन् । तर पछिल्लो एक वर्षमा पाकिस्तानले निरन्तर खराब प्रर्दशन गरि रहेको छ । विश्वकपमा पाकिस्तान समुह चरणबाटै बााहिरिएपछि शरफराजको कप्तानी,प्रर्दशन र फिटनेशलाई लिएर चर्को आलोचना भएको थियो ।

हालै घरेलु मैदानमा श्रीलंकासँगको तीन टि २० सिरिज ३-०ले गुमाएपछि पाकिस्तान क्रिकेट बोर्डले हटाउने निर्णय गरेको हो । युवा खेलाडी बाबर आजम टि२० आईसीसी टि ट्वान्टी वरियतामा नम्बर वान ब्याट्सम्यान हुन् । त्यस्तै उत्कृष्ट ओपनर अजहर अलीले टेष्ट क्रिकेटलाई फोकस दिन गत वर्ष टि२० र वान डे बाट सन्न्यासको घोषणा गरेका थिए ।

बाबरले सन् २०१२मा भएको यू१९ विश्वकपमा पाकिस्तानको कप्तानी समालेका थिए । कप्तानको जिम्मेवारी समाल्न आफु तयार रहेको बाबरले बताएका छन् ।