6 years ago
October 20, 2019
एजेन्सी – ओपनर रोहित शर्माको दोहोरो शतकसँगै दक्षिण अफ्रिकासँगको तेस्रो तथा अन्तिम टेष्टमा भारत बलियो अवस्थामा छ । दोस्रो दिनको खेल सकिँदा भारतले ४ सय ८८ को अग्रता लिएको छ ।
भारतले ११६.३ ओभरमा ४९७-९ को अवस्थामा पहिलो इनिङ समाप्तीको घोषणा गरेको थियो । भारतका लागि ओपनर रोहित शर्माले २ सय १२ रनको दोहोरो शतकको योगदान दिए । रोहितको टेष्टमा यो पहिलो दोहोरो शतक समेत हो । ८९ ओभरको पहिलो बलमा कागिसो रबाडाले लुन्गि निडीबाट क्याच गराउनु अघि रोहितले २ सय ५५ बलमा २८ चौका र ६ छक्का प्रहार गरे ।
त्यस्तै अजिंक्या रहाणेले आफ्नो ११ औं टेष्ट शतक पुरा गर्ने क्रममा १ सय १५ रनको योगदान दिए । रहाणेले १ सय ९२ बलमा १७ चौका र १ छक्का प्रहार गरे । रोहित र रहाणेले चौथो विकेटका लागि २ सय ६७ रनको साझेदारी गरेका थिए । तल्लोक्रममा रविन्द्र जडेजाले ५१ र उमेश यादवले ३१ रन जोडे । उमेशले १० बलमा ५ छक्का प्रहार गरेका थिए । दक्षिण अफ्रिका कागिसो रबाडाले ३ र जर्ज लिन्डेले ४ विकेट लिए ।
पहिलो इनिङ थालेको दक्षिण अफ्रिकाले ५ ओभरमा ९ रन जोड्न २ विकेट गुमाएको छ । डीन एल्गर डक र क्विन्टन डी कक ४ रनमा आउट भएका छन् । तीन टेष्ट सिरिजमा भारतले २-० ले आफ्नो पक्ष्यमा पारि सकेको छ । भारतको लक्ष्य तेस्रो टेष्ट जित्दै क्विन स्विप गर्ने हुने छ ।
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
