एजेन्सी – भारतले दक्षिण अफ्रिकासँगको तीन टेष्ट सिरिज क्लिन स्वीप गरेको छ । तेस्रो तथा अन्तिम टेष्टमा घरेलु टोली भारत २ सय २ रनको इनिङ अन्तरले विजयी भएपछि तीन टेष्ट ३-० ले जितेको हो ।
तेस्रो टेस्टको चौथो दिन मात्र २ ओभरमा १ रन जोड्न २ विकेट गुमाउँदै दक्षिण अफ्रीका पराजित भएको हो । दक्षिण अफ्रिका ४६ ओभरमा १३२-८ को कमजोर अवस्थाबाट चौथो दिन सुरु गरेको थियो । चौथो दिन ४८ ओभरमा अल आउट हुँदै १ सय ३३ रनमा समेटियो ।
। दोस्रो इनिङमा ओपनर क्विन्टन डी कक ५,कप्तान फाफ डु प्लेसिस ४,तेम्बा बुभवा डक,जर्ज लिन्डे २७ र डेन २३,कागिसो रबाडा १२,देयूनिस डी ब्रुइन ३० रनमा आउट भए। भारतका लागि मोहम्मद शामीले ३, उमेश यादव,शहबान नदीमले समान २ विकेट लिए । रविचन्द्र आश्विन र रविन्द्र जडेजाको नाममा समान १ विकेट रह्यो ।
दक्षिण अफ्रिका पहिलो इनिङमा ५६.२ ओभरमा १ सय ६२ रनमा अल आउट भएपछि फलोअनमा परेको थियो । दक्षिण अफ्रिका जुबैर हमजा ६२,तेम्वा बभुमा ३२ र जर्ज लिन्डेले ३७ रन जोड्न बाहेक अन्य कुनै पनि ब्याट्सम्यानले दोहोरो अंकमा रन छुन सकेनन् । भारतका उमेश यादव ३,शहबाज नदिम, रविन्द्र जडेजा र मोहम्मद नाबीको नाममा समान २ विकेट रह्यो।
भारतले ११६.३ ओभरमा ४९७-९ को अवस्थामा पहिलो इनिङ समाप्तीको घोषणा गरेको थियो । ओपनर रोहित शर्माले २ सय १२ र अजिंक्या रहाणेले १ सय १५ रनको योगदान दिएका थिए । तल्लोक्रममा रविन्द्र जडेजाले ५१ र उमेश यादवले ३१ रन जोडे । उमेशले १० बलमा ५ छक्का प्रहार गरेका थिए । दक्षिण अफ्रिका कागिसो रबाडाले ३ र जर्ज लिन्डेले ४ विकेट लिए ।
