हरारे (एजेन्सी)– भारतले सोमबार जिम्बावेलाई १० विकेटले हराउँदै ट्वान्टी–२० क्रिकेट श्रृखंलामा १ –१ को बराबरी गरेको छ । तीन वटा खेलको अन्तिम खेल अब निर्णायक बन्न भएको छ । पहिलो खेलमा भारत पराजित भएको थियो ।
एक सय रनको लक्ष्य पछ्याएको भारतले ४१ बल अघि नै विकेट नगुमाइ १ सय ३ रन बटुलेको थियो । त्यसअघि टस जितेर ब्याटिङ गरेको जिम्बावेले २० ओभरमा सबै विकेट गुमाएर ९९ रन बनाएको थियो ।
विकेट लिएपछि भारतीय खेलाडी ।
सहज लक्ष्य पछ्याएको भारतका लागि ओपनर मन्दीप सिंहले नकआउट अर्धशतक पुरा गरे भने लोकेश राहुलले नटआउट ४७ रन बनाए । समान ४० बल खेलेका उनीहरु मध्ये राहुले २ चौका र त्यत्तिनै छक्का प्रहार गरे । ५२ रन जोडेका मन्दीले ६ चौका र १ छक्का प्रहार गरेका थिए ।
त्यसअघि विरेन्दर स्रान र जसप्रित बुमराको धारिलो बलिङले जिम्बावेको ब्याटिङ लाइनअप तहस नहस भएको थियो । ४ ओभर बलिङ गरेका म्यान अफ दी विरेन्दरले १० रन दिएर ४ विकेट लिए । जसप्रितले ४ ओभरमै ११ रन खर्चेर ३ विकेट लिए । धवल कुलकर्णी र युजभेन्दर चाहालले समान १ विकेट लिए ।
घरेलु टोलीका लागि पिटर मोरले सबैभन्दा बढी ३१ रन बनाए । ओपनरद्वय चामु चिबाबा र हामिल्टन मासाकाड्जाले समान १०, मालकोम वालेर १४ र डोलाल्ड टिरिपोनाले ११ रन बनाए । अन्य कुनै ब्याट्सम्यानले दोहोरो रनमा स्कोर बनाउन सकेनन् ।
