काठमाडौं – नेपाली राष्ट्रिय क्रिकेट टोलीका स्टार ब्याट्सम्यान शरद भेषावकरलाई नेपालका लागि ड्याटसन कारको आधिकारिक विक्रेता पायोनियर मोटो कर्पले आफ्नो ब्रान्ड एम्बेसडर तोकेको छ । शदर र पायोनियबीच आइतबार सम्झौता भएको थियो । शरदले अहिले कम्पनीसँग एक वर्षको सम्झौता भएको बताए ।

मध्यक्रमका दायाँ हाते ब्याट्सम्यान शरदले सन् २००४ मा युएईविरुद्ध खेल्दै राष्ट्रिय टोलीबाट ‘डेब्यु’ गरेका थिए । उनले २०१० को आइसिसी विश्व क्रिकेट लिग डिभिजन–५ मा फिजीविरुद्ध अविजित १ सय ५ रन बनाएका थिए । त्यस्तै २०१४ को ट्वान्टी–२० विश्वकप क्रिकेटमा बंगलादेशविरुद्ध ४० रन र अफगानिस्तानविरुद्ध ३७ रनको महत्वपूर्ण इनिङ खेलेका थिए । टोली संकटमा परेका बखत धर्यतापूर्वक ब्याटिङ गर्नेमा उनी माहिर मानिन्छन् ।