काठमाडौं (हाम्रो खेलकुद) – बायाँ हाते युवा अलराउन्डर कुशल मल्ले आईसीसी विश्वकप लिग-२ त्रिकोणात्मक सिरिज अन्तर्गत शनिबार अमेरिकासँग डेब्यू गर्ने भएका छन् ।
टीयू क्रिकेट मैदानमा नेपालका प्रशिक्षक जगत टमटाले कुशललाई डेब्यू क्याप दिएका हुन् । सम्भवत: कुशलले रोहित कुमार पौडेलको स्थान लिने छन् । कुशल नेपालबाट ओडीआई खेल्ने २२ औं खेलाडी हुन् । ब्याटिङमा ओपनिङ देखी फिनिसिङ जुनसुकै भुमिका पनि निर्वाह गर्न सक्ने कुशल ठूला र आक्रामक ब्याटिङका लागि परिचित छन् । कुशलले स्पिन बलिङ पनि उत्कृष्ट गर्ने गर्दछन् ।
कुशललाई टोलीमा आज फिनिसरको रुपमा दख्न सकिने छ । कुशल पछिल्लो समय राम्रो लयमा छन् । एमएम कपमा कुशलले एपिएफविरुद्ध ६३ बलमा १३ छक्का र ५ चौका सहित १ सय ११ रनको शतकीय इनिङ खेलेका थिए । कुशलले टि ट्वान्टी आईमा गत सेप्टेम्बरमा जिम्बावेसँग सिंगापुरमा त्रिकोणात्मक सिरिजमै डेब्यू गरेका थिए । कुशलले ३ टि ट्वान्टी आई खेलेका छन् । मलेसियासँगको अभ्यास खेलमा पनि कुशलले राम्रो प्रर्दशन गरेका थिए ।
