काठमाडौं (हाम्रो खेलकुद) – नेपालले आईसीसी विश्वकप लिग २ त्रिकोणात्मक एकदिवसिय सिरिज अन्तर्गत बुधबार अन्तिम खेलमा अमेरिकाविरुद्ध उत्कृष्ट सुरुवात गरेको छ ।

टस हारेर ब्याटिङको निम्तो पाएको अमेरिकाले ८ ओभरमा २९-४ को कमजोर अवस्थामा छ । लेग स्पिनर सन्दीप लामिछानेले आठौं ओभरमा प्रमुख दुई विकेट लिएपछि अमेरिका संकटमा परेको छ ।

तीब्र गतिका बलर करण केसीले पहिलो ओभर जेभियर मार्शललाई डट राखे । दोस्रो ओभरको अन्तिम बलमा स्पिनर सन्दीप लामिछानेले इयान होल्यान्डलाई शुन्यमा क्याच आउट गराउँदै नेपाललाई पहिलो सफलता दिलाए । होल्यान्डलाई फस्ट स्लिपमा रहेका पारस खड्काले उत्कृष्ट क्याच लिदै शून्यमा पेभिलिएनको बाटो देखाएका थिए ।

सन्दीपले विकेट मेडन राख्दै अमेरिकालाई थप दबाबमा राखे । तेस्रो ओभरमा मार्शलले करणलाई २ चौका प्रहार गर्दै दबाब केहि कम गरेका थिए । तर सुशनले आफ्नो पहिलो बलमै मार्शललाई फस्ट स्लिपमा रहेका पारसबाट १६ रनमा क्याच गराए । सुशनले सातौं ओभरको पहिलो बलमा मार्शललाई आउट गर्दै नेपाललाई दोस्रो सफलता दिलाए ।

आठौं ओभरको दोस्रो बलमा सन्दीपले मोनन्क पटेललाई ४ रनमा बोल्द आउट गरे । सन्दीपले यसै ओभरको पाँचौ बलमा निसरग पटेललाई २ रनमा बोल्ड आउट गरेपछि अमेरिका संकटमा परेको हो । अमेरिका आरोन जोन्स र अक्षय होमराज क्रिजमा छन् ।