4 years ago
February 21, 2020
काठमाडौं (हाम्रो खेलकुद)– राष्ट्रिय क्रिकेट टोलीका स्टार स्पिनर सन्दीप लामिछाने पूर्व घोषित रकम चितवनको भरतपुरमा निर्माणाधिन रंगशालाका लागि हस्तान्तरण गरेका छन् । धुमुर्स सुन्तली फाउन्डेसनको पहलमा निर्माण भइरहेको रंगशालाका लागि सन्दीपले रकम हस्तान्तरण गरेका हुन् । गत महिना कीर्तिमपुरमा सम्पन्न आइसिसी क्रिकेट विश्वकप लिग २ मा आफूले लिने हरेक विकेटको ८ हजार ८ सय ४८ […]
काठमाडौं (हाम्रो खेलकुद)– राष्ट्रिय क्रिकेट टोलीका स्टार स्पिनर सन्दीप लामिछाने पूर्व घोषित रकम चितवनको भरतपुरमा निर्माणाधिन रंगशालाका लागि हस्तान्तरण गरेका छन् । धुमुर्स सुन्तली फाउन्डेसनको पहलमा निर्माण भइरहेको रंगशालाका लागि सन्दीपले रकम हस्तान्तरण गरेका हुन् ।
गत महिना कीर्तिमपुरमा सम्पन्न आइसिसी क्रिकेट विश्वकप लिग २ मा आफूले लिने हरेक विकेटको ८ हजार ८ सय ४८ रुपैयाँ दिने घोषणा गरेका थिए । उनले लिग २ मा कुल ८ विकेट लिएका थिए । ओमानसँग दुवै खेलमा विकेटविहिन रहेका उनले अमेरिकासँग पहिलो खेलमा २ र दोस्रो खेलमा ६ विकेट लिएका थिए । सन्दीपले दोस्रो खेलमा गरेको ६ विकेटको प्रदर्शन नेपालको ओडीआई इतिहासकै सर्वोत्कृष्ट बलिङ प्रदर्शन हो । त्यसै प्रदर्शनका कारण अमेरिका नेपालसँग विश्व कीर्तिमानी ३५ रनमा समेटिएको थियो ।
सन्दीपले ८ विकेटको ७० हजार ७ सय ८४ रुपैयाँ धुर्मुस सुन्तलीलाई हस्तान्तरण गर्ने तयारी गरेका थिए । तर सन्दीपले हस्तान्तरण गरे जति नै रकम उनको विदेशी व्यवस्थापन हेर्दै आएका साया कर्पोरेसनका तल्हा आइशामले पनि थपेका थिए । सन्दीपले दुवैको जोडेर कुल १ लाख ४१ हजार ५ सय ६८ रुपैयाँ फाउन्डेसनलाई प्रदान गरेको उनका व्यवस्थापक रमन शिवाकोटीले जानकारी दिए ।
सन्दीपले फाउन्डेसनका अध्यक्ष सिताराम कट्टेल (धुर्मुस) र उपाध्यक्ष कुन्जना घिमिरे (सुन्तली) लाई बिहीबार उक्त रकम हस्तान्तरण गरेका थिए । सन्दीप र राष्ट्रिय टोलीका पूर्व कप्तान पारस खड्का रंगशाला निर्माणका सद्भावना दुत पनि हुन् । फाउन्डेसनले ३ अर्बको लगानीमा २ वर्षमा रंगशालामा निर्माण सम्पन्न हुने घोषणा गरेको छ । रामपुर कृषि क्याम्पसको २० विगाहा भन्दा बढी जमिनमा रंगशालामा निर्माण भइरहेको छ ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]