default_image

8 years ago

July 28, 2016

नेपाली क्रिकेट विवाद अझै लम्बिने संकेत

काठमाडौं (हाम्रो खेलकुद) – नेपाल क्रिकेटको विवाद तत्काल समाधान हुने कुनै संकेत देखा परेको छैन । तीन महिनाअघि निलम्बनमा परेको नेपाल क्रिकेट संघ (क्यान) को विवाद झन पेचिलो बन्दै गएको छ । देश भित्र क्रिकेटका सरोकारवाला पक्ष मुख्यतः निर्वाचित क्यान र राष्ट्रिय खेलकुद परिषद् (राखेप) आ आफ्नो अडानमा टसको मस नगरेपछि विवाद झन लम्बिने संकेत […]

32 views

0 Bookmark

काठमाडौं (हाम्रो खेलकुद) – नेपाल क्रिकेटको विवाद तत्काल समाधान हुने कुनै संकेत देखा परेको छैन । तीन महिनाअघि निलम्बनमा परेको नेपाल क्रिकेट संघ (क्यान) को विवाद झन पेचिलो बन्दै गएको छ ।
देश भित्र क्रिकेटका सरोकारवाला पक्ष मुख्यतः निर्वाचित क्यान र राष्ट्रिय खेलकुद परिषद् (राखेप) आ आफ्नो अडानमा टसको मस नगरेपछि विवाद झन लम्बिने संकेत देखिएको हो ।

13669602_10208557098757260_6090382142589737113_n
क्यानलाई निलम्बन गर्ने अन्तर्राष्ट्रिय क्रिकेट परिषद् (आइसीसी) ले नेपालको पछिल्लो अवस्था बुझ्न तीन सदस्यीय प्रतिनिधि मण्डल काठमाडौं पठाएको छ । तीन दिनदेखि विभिन्न चरणमा छलफल भएपनि विवाद समाधानको उपाय देखिएको छैन ।
दुई दिनको अलग अलग भेटपछि बिहीबार प्रतिनिधि मण्डलले सरोकारवालासँग संयुक्त बैठक त गर्यो । तर विवाद समाधानको कुनै संकेत देखिएन ।
राखेप सदस्य सचिव निर्वाचित समितिले सर्वोच्च अदालतमा दायर गरेको मुद्दा फिर्ता लिए विवाद समाधान हुने देख्छन् । तर निर्वाचित समिति मुद्दा फिर्ता लिदा आफ्नो लडाइ सकिने र राखेपको विश्वास गर्न नसकिने बताउँदै आएको छ ।
क्यानको साधारण सभाले मंसिरको २९ गते चतुरबहादुर चन्दको अध्यक्षतामा नयाँ समिति चयन गरेको थियो । तर, त्यो निर्वाचनलाई राखेपले मान्यता नदिएको मात्र होइन, उल्टो रमेश सिलवालको नेतृत्वमा क्यान पूर्नगठन गरेको थियो । आफुहरुमाथि अन्याय भएको र आफुहरुनै वैधानिक क्यान भएको भन्दै चन्द समितिले सरकार, युवा तथा खेलकुद मन्त्रालय, राखेपलगायत १६ जनाविरुद्ध मुद्दा दायर गरेको छ । क्यान वैद्यानिकताको टुंगो चाडो नलाग्ने संकेत देखिएपछि आइसीसीले वैशाखमा क्यानलाई निलम्बन गरेको थियो ।
सधै निलम्बनमा राख्न सम्भव नहुने भएपछि पछिल्लो अवस्था बुझ्न आइसीसीले टोली पठाएको हो ।
तर, संयुक्त बैठकमा सबैले आ आफ्नो अडान राखेपछि अक्टुबरमा हुने आइसीसी बैठकले दुवैपक्ष विना अर्को समिति बनाउने सम्भावना बढेको सरोकारवालाहरु नै स्वीकार्छन् ।
‘मैले मुद्दा फिर्ता गर्नुपर्ने पुरानै अडान राखे । मुद्दा फिर्ता भए नयाँ ढंगबाट अघि बढ्न सकिन्छ,’ राखेप सदस्य सचिव केशवकुमार विष्टले भने,‘तर चन्द जीहरु तयार हुनु भएन । हामीले विवाद समाधानको उपाय दिन सकेनौं भने आइसिसीले आफ्नो ढंगले अघि बढ्ने सम्भावना छ ।’
आइसिसीका फाइनान्स मेनेजर अमर शेख, लिगल सेक्सनका चिफ पाउल म्याकमोहन र एसियन डेभलपमेन्ट मेनेजर बन्दुला वार्नापुरा रहेको टोली सदस्य सचिव, सिलवाल र अन्यसँगको छलफलपछि निर्वाचित क्यानका महासचिव अशोकनाथ प्याकुरेलले भने, ‘ सबै आ आफ्नो अडानमा रह्यो । निलम्बनपछिको अवस्थामा कुनै परिवर्तन भएको छैन । राखेप मुद्दा फिर्ता लिन भन्छ । हामी विश्वासिलो वातावरण नदेखि फिर्ता लिन चाहन्नौं ।’
आइसीसीले विवादलाई छोडेर नयाँ ढंगले अघि बढ्ने उपाय के हुन सक्छ भन्नेमा बढी चासो राखेपनि त्यस्तो माहोल बन्न नसकेको प्याकुरेलले स्वीकारे । ‘ आइसिसीले अब लामो समय यसरी जान्न सकिन्न भन्ने प्रष्ट संकेत गरेको छ’ उनले भने,‘नेपालको अवस्थामा परिवर्तन आएन भने आइसिसीले नयाँ टिम बनाएर काम गर्न सक्छ । ’
तदर्थ समितिका अध्यक्ष सिलवालले भने,‘आइसिसीले दुवै पक्षमध्ये कुनै लाई मान्यता नदिएकोले समास्या बढेको छ । सिलवालले आइसिसीले नयाँ कदमका रुपमा नयाँ विधान बनाउन र निर्वाचन गर्नका लागि वर्किङ कमिटी बनाउने संकेत गरे । संयुक्त बैठकमा आइसिसीले नेपाल संयोजनको जिम्मेवारी दिएकी निलम्बित क्यानकी पूर्व सिइओ भावना घिमिरे पनि सहभागी थिइन् ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.