default_image

4 years ago

April 4, 2020

ओमान क्रिकेटका नेपाली, जो नेपालबाटै खेल्न चाहन्छन्

भूपेन्द्र जिसी, काठमाडौं नेपालमा दुई महिनाअघि आयोजना भएको एकदिवसिय त्रिकोणात्मक सिरिजमा ओमानले शत प्रतिशत जित निकाल्न सफल भयो । अमेरिका समेत सम्मिलित उक्त सिरिजमा ओमानले घरेलु टोली नेपाललाई १८ रन र ८ विकेटको पराजित गर्यो । ओमानी टोली नेपाल आउनुअघि नै टोलीका विकेटकिपर ब्याट्सम्यानलाई लिएर खुब चर्चा भयो । मैदानमा आएपछि ओमानले उत्कृष्ट प्रर्दशन गरिरहँदा […]

104 views

0 Bookmark

भूपेन्द्र जिसी, काठमाडौं

नेपालमा दुई महिनाअघि आयोजना भएको एकदिवसिय त्रिकोणात्मक सिरिजमा ओमानले शत प्रतिशत जित निकाल्न सफल भयो । अमेरिका समेत सम्मिलित उक्त सिरिजमा ओमानले घरेलु टोली नेपाललाई १८ रन र ८ विकेटको पराजित गर्यो ।

ओमानी टोली नेपाल आउनुअघि नै टोलीका विकेटकिपर ब्याट्सम्यानलाई लिएर खुब चर्चा भयो । मैदानमा आएपछि ओमानले उत्कृष्ट प्रर्दशन गरिरहँदा धेरैको ध्यान तान्ने विकेटकिपर नेपाली नागरिक सुरज कुमार थिए । नेपालसँगको पहिलो खेलमा शुन्यमा आउट भएका उनले दोस्रो खेलमा ब्याटिङ गर्ने मौका पाएनन् । अमेरिकाविरुद्ध जितमा ब्याटबाट केहि रन जोडेका उनी किपिङमा भने सुरक्षित देखिए ।

पाँच वर्षअघि भारतबाट रोजगारको सिलसिलामा ओमान पुगेका सुरजले पछिल्लो दुई वर्ष यता ओमानकै राष्ट्रिय टोलीबाट क्रिकेट खेल्दै आएका छन् । सुरजले ओमान फर्किनु अघि नेपाली समर्थकलाई धेरै धेरै धन्यावाद दिए । आफूले ओमानलाई नेपाली समर्थकको यति धेरै साथ र समर्थन रहला भन्नेमा कल्पना सम्म नगरेको उनले बताए ।

‘पिच देखि आयोजनाका सम्पूर्ण पक्ष सोचेभन्दा राम्रो थियो । त्योभन्दा राम्रो हामीले चार खेलनै जित्यौं, त्यसले झनै खुसी छु । हामीले नेपालमा त्यो किसिमको साथ पाउँछौं भन्ने कल्पना गरेका थिएनौं । नेपाली सबै समर्थकलाई धेरै धेरै धन्यवाद,’उनले हाम्रो खेलकुदसँग भने । पहिलो खेलमा नेपालसँग शुन्यमा आउट भएका सुरजले दोस्रो खेलमा अमेरिकासँग ३३ रनमा अविजित रहे ।

‘हामीले सबै खेल जित्यौं । त्यसैले मैले ब्याटिङ गरे वा गरिन भन्दा पनि टोलीको जितमा खुसी छु । यहाँको विकेट यति धेरै टर्न हुन्छ भन्ने थाहा थिएन । म र ओमानलाई नेपाली समर्थकको साथ उत्कृष्ट रह्यो । फेरि पनि समर्थकलाई धन्यावाद ।’

सुरजको पुख्यौली घर बाग्लुङ हो । पञ्जावको जालन्धरमा जन्मिएका सुरज उतै हुर्किए । ‘म नेपालको हुँ तर खेलमा त्यो भावना हुँदैन । रोजगारको सिलसिलामा पाँच वर्षअघि ओमान गएका थिएँ, अफिसको टोली हुँदै ओमानको राष्ट्रिय टोलीबाट खेल्दै छु । ओमानबाट खेल्दा पनि खुसीनै छु । आईसीसीको नियमअनुसार तीन वर्षको प्रतीक्षापछि म ओमानको टोलीमा परे । दुई वर्षदेखि ओमानको टोलीबाट निरन्तर खेलिरहेको छु’, उनले भने ।

‘यसअघि म ६ वर्षको हुँदा नेपाल आएको थिए । त्यो बेलाको खासै याद छैन । त्यसयता पहिलो पटक नेपाल आएको हुँ,’ नेपाली भाषा बोल्ने सुरजले बाबुआमा बाग्लुङको भएको र रोजगारको सिलसिलामा भारत गएर उतै सेटल भएको बताए । सुरजको खेल हेर्नको लागि बाबुआमा पनि काठमाडौं आएका थिए ।

‘सोमपाल कामी मेरो धेरै मिल्ने साथी हुन् । पहिला सँगै क्रिकेट खेल्थ्यौं । २०१४ मा सोमपालले नेपालबाट खेलौं भनेका थिए र उनी आए । तर परिवारको अवस्था राम्रो नहुँदा म आइन । अनि रोजगारको लागि ओमान गए । परिवारको अवस्था अलि राम्रो भएको भए सायद म नेपालबाटनै क्रिकेट खेल्थें होला । अब पाएँ भने नेपालबाट खेल्ने इच्छा अझै छ’, सुरजले भने ।

‘नेपालकै टोलीबाट खेल्न चाहान्छु । नेपाल ओमान भन्दा कम छैन । युवा खेलाडी धेरै आएका छन् । नेपाल धेरै राम्रो टोली हो । रोहित, कुशल जस्ता युवा खेलाडी छन् । नेपालबाट खेल्ने प्रयास गर्ने छु, ‘उनले भने, ‘ओमान र नेपालमा खासै फरक देख्दिन । हाम्रो जतिपनि स्टाफ छन् सबैले राम्रो गर्नको लागि उत्पेरणा दिन्छन् । नेपालको त्यसको कमि देख्छु । अरु खासै फरक छैन ।’

नेपालमा भइरहेका फ्रेन्चाइज लिगमा खेल्ने उनको इच्छा छ । ‘नेपालबाट खेल्ने मन त छ नै । नेपालमा पछिल्लो समय तीन फ्रेन्चाइज लिग भई रहेका छन् । जसबाट पनि कुनै टोलीले इच्छा देखाए खेल्नेछु,’ उनले भने । सुरजले ओमानबाट ११ ओडीआई, १३ टि ट्वान्टी र १९ लिष्ट ए खेलेका छन् ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.