एजेन्सी – पाकिस्तान क्रिकेट टोलीका प्रमुख प्रशिक्षक तथा प्रमुख छनोटकर्ता मिस्बाह उल हकले युवा ब्याट्सम्यान बाबर आजमलाई कप्तानी जिम्मेवारी दिने योनै सहि समय रहेको बताएका छन् ।

यसअघि टि२० आईको कप्तान बनिसकेका बाबरलाई पाकिस्तानले बुधबार ओडिआई टोलीको पनि नेतृत्व दिएको थियो । ‘कप्तानको निर्णयनै अन्तिम निर्णय हुन्छ । मलाई लाग्छ सेतो बलको क्रिकेटमा बाबरलाई हामीले लामो यात्राको लागि र योजनाका साथ कप्तानी दिएका छौं । टि२० क्रिकेटमा बाबरको प्रर्दशन उत्कृष्ट छ,’ पूर्व कप्तान मिस्बाहले भने ।

‘बाबरलाई कप्तानीको रुपमा अघि बढाउने यो नै सहि समय हो । बाबर पुर्ण रुपमा तयार हुँदै जाने छन् । यो लामो समय सम्मको योजना हो । सन् २०२३ मा एकदिवसिय विश्वकप छ । कप्तानले राम्रो प्रर्दशन गर्छ भने दबाब कम हुन्छ’, उनले भनेका छन् ।

त्यसैमा उनले थपे, ‘बाबर चुनौती र दबाबको सामना गर्ने उत्कृष्ट ब्याट्सम्यान हुन् । वरियाता पनि बाबरको राम्रो छ । निरन्तर विश्व क्रिकेटमा राम्रो प्रर्दशन गरिरहेका छन् । बाबर टि२० कप्तान बनेसँगै झनै उत्कृष्ट प्रर्दशन गरि रहेका छन् । टेष्टमा पनि उनको प्रर्दशन कहाँ पुगि सकेको छ ।’

‘बाबर दबाब सम्हाल्न सक्छन् । जिम्मेवारी लिन्छन् । यी सबै कुराको ख्याल गर्दै मैले बाबरलाई ओडिआई कप्तान बनाउने निर्णय गरेको हुँ । जुन उत्कृष्ट निर्णय जस्तो लाग्छ’, मिस्बाहले पत्रकार सम्मेलनमा भनेका छन् ।