4 years ago
June 16, 2020
एजेन्सी – टेष्ट विश्व क्रिकेट इतिहासकै सबैभन्दा पुरानो शैली हो । टेष्ट पछि एक दिवसिय, टि२० हुँदै टि१० शैलीको क्रिकेट विकासको क्रममा छ । छोटो शैलीको क्रिकेटले खेलाडीमा धेरै परिवर्तन ल्याएको छ ।
पछिल्लो समय टेष्टलाई धेरैले अल्छी खेल पनि भन्ने गर्दछन् । तर टेष्टको महत्त्व र लोकप्रियता उतिनै छ । अझैपनि एसोएसिएट राष्ट्रले टेष्ट मान्यताको सपना देख्ने गर्दछन् । टेष्टमा क्षमता मात्र भएर हुँदैन । धैर्यता र सहनशिल क्षमता पनि त्यतिनै आवश्यक पर्दछ ।
एक दिवसिय र टि२० मा ब्याट्सम्यान र बलरले सिमित मात्र बलिङ र ब्याटिङ गर्न पाउँछन् । त्यसैले प्रतिभा भएको खेलाडीले आफ्नो क्षमता देखाउन नपाउन पनि सक्छ । असली प्रतिभा चिन्ने र देखाउने सबैभन्दा उत्कृष्ट शैली टेष्ट हो ।
अलराउन्डरको भूमिका हरेक शैलीको खेलमा निकै महत्त्वपूर्ण हुन्छन् । कमै खेलमा मात्र एउटा खेलाडीले ब्याटिङ र बलिङ दुबैमा उत्कृष्ट प्रर्दशन गर्न सक्छन् । त्यस्तै टेष्ट क्रिकेट एकै खेलमा १० विकेट र शतक प्रहार गर्ने तीन खेलाडी यस प्रकार छन् ।
१. इयान बोथम (इंग्ल्यान्ड)
इंग्ल्यान्डका पुर्व स्टार अलराउन्डर इयान बोथम टेष्टमा क्रिकेटमा शतक र १० विकेटमाथि एकै खेलमा लिने पहिलो खेलाडी हुन् । उनले बोथमले सन् १९८० मा भारतविरुद्धको टेष्ट खेलमा पहिलो इनिङमा १ सय १४ रनको शतकीय इनिङ खेल्नुको साथै कुल १३ विकेट लिएका थिए । बोथमले पहिलो इनिङमा ६ र दोस्रो इनिङमा ७ विकेट लिएका थिए । उनले शतकीय इनिङ खेल्न १ सय ४४ बलमा १७ चौका प्रहार गरेका थिए ।
२. इमरान खान (पाकिस्तान)
पाकिस्तानका पुर्व कप्तान तथा वर्तमान प्रधानमन्त्री इमरान खान क्रिकेट इतिहासमा सफल अलराउन्डर मध्यका एक हुन् । पाकिस्तानका विश्वकप विजेता कप्तान इमरान खानले सन् १९८३ मा भारतसँगको ६ टेष्ट सिरिज अन्तर्गत तेस्रो खेलको पहिलो इनिङमा १ सय १७ रनको शतकीय इनिङ खेलेका थिए ।
उक्त इनिङ खेल्न उनले १ सय २१ बलमा ९ चौका र ५ छक्का प्रहार गरेका थिए । उक्त खेलमा उनले कुल ११ विकेट लिएका थिए । पहिलो इनिङमा ६ र दोस्रोमा ५ विकेट लिदै पाकिस्तानलाई १० विकेटको जित दिलाएका थिए । यस सफलता हात पार्ने इमरान दोस्रो खेलाडी हुन् ।
३. सकीब अल हसन (बंगलादेश)
बंगलादेशका सर्वाधिक सफल अलराउन्डर सकीब अल हसन यस उपलब्धि हात पार्ने तेस्रो खेलाडी हुन् । हसनले सन् २०१४ मा जिम्बावेविरुद्धको दोस्रो खेलमा उत्कृष्ट प्रर्दशन गर्ने क्रममा पहिलो इनिङमा १ सय ३७ रन बनाएका थिए । सकीबले १ सय ८० बलमा १८ चौका र २ छक्का प्रहार गरेका थिए । सकीबले पहिलो र दोस्रो इनिङमा ५—५ विकेट लिएका थिए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]