नेदरल्यान्ड्सविरुद्ध विश्व क्रिकेट लिग च्याम्पियनसिपको पहिलो खेलमा नेपाल ७ विकेटले पराजित भएको छ।
पहिलो ब्याटिङ्ग गरेको नेपालले ब्याट्सम्यानको खराब प्रदर्शनका कारण ३८ दशमलव १ ओभरमा ९४ रन बनाउँदै इनिङ समाप्त पारेको थियो।
९५ रनको लक्ष्य पछ्याएको नेदरल्याण्डले जम्मा १६.५ ओभरमा २ विकेट गुमाएर जित हात पार्यो।
नेपालका लागि ६ ब्याट्सम्यान दोहोरो अंक नजोड्दै आउट भए। नेपाली इनिङमा प्रारम्भिक ब्याट्सम्यान ज्ञानेन्द्र मल्ल (११) र अनिल मण्डल (२०) ले सर्वाधिक २३ रनको साझेदारी गरेका थिए। त्यसपछि सरद भेषवाकर (१४) पारस खड्का (०), सागर पुन (७), राजु रिजाल (३), विनोद भण्डारी (९),सोमपाल कामी (१२ं), करण केसी (०), सन्दीप लामिछाने (१) रनमा आउट भए। बसन्त रेग्मीले अविजित ७ रन बनाए।
