वर्ल्ड क्रिकेट लिग च्याम्पियनसिप अन्तर्गत नेपालले आठौं खेलमा नेदरल्याण्डलाई १९ रनले पराजित गरेको छ।
पहिलो ब्याटिङ्ग गर्दै निर्धारित ५० ओभरमा २१७/९को स्कोर बनाएको नेपालका लागि कप्तान पारस खड्काले ९४ बलमा ८४ रनको उत्कृष्ट पारी खेलेका थिए। नेपालका लागि ओपनर ज्ञानेन्द्र मल्लले ३९ र सागर पुनले ४५ रन बनाएका थिए। बिनोद भण्डारी १७रनमा अविजित रहे।
२१८ रनको लक्ष्य पछ्याएको डच टोली पुरा खेल अवधिभर दवावमा रह्यो। नेपालले प्रयोग गरेका छ जना बलरले नै विकेट लिएपछि उनिहरुको पारी सम्हालिन सकेन। रोलफ भ्यान डर मर्वले अर्धशतक बनाए भने डाउड (३५), ग्रुजिटर्स (४४) र भ्यान डर ग्युटन (३६)ले पनि मह्तवपुर्ण योगदान दिए। तर डच टोलीको पारी ४८.३ ओभरमा १९८ रनमा अड्कियो र नेपालले तेश्रो जित हात पार्यो।
नेपालका लागि सोमपाल, पारस र वसन्तले २-२ विकेट लिए भने सागर, शक्ति र सन्दिपले १-१ विकेट लिए।
