एजेन्सी – वेस्ट इन्डिजसँगको तीन टेष्ट सिरिज अन्तर्गत पहिलो टेष्टको लागि इंग्ल्यान्ड क्रिकेट बोर्डले १३ सदस्य टोली घोषणा गरेको छ ।
पहिलो टेष्ट बुधबारदेखि साउथह्याप्टनमा सुरु हुँदै छ । बेन स्टोक्सको कप्तानीमा इंग्ल्यान्डले टोली घोषणा गरेको हो । स्टोक्स इंग्ल्यान्डको ८१ औं टेष्ट कप्तान बन्नेछन् । स्थायी कप्तान जो रुटले आफ्नो श्रीमती क्यारीले दोस्रो सन्तान जन्मन लागेको हुँदा पहिलो टेष्टमा उपलब्ध हुन नसकेका हुन् ।
उत्कृष्ट अलराउन्ड प्रर्दशन गर्दै आएका स्टोक्सले हालसम्म घरेलु क्रिकेटमा समेत कप्तानी गरेका छैनन् । स्टोक्सलाई सीमित ओभरमा ओईन मोर्गन पछिको भावी कप्तानको रुपमा समेत हेरिदैं आएको छ । जसले पहिलो टेष्टको कप्तानीले धेरै प्रभाव पार्ने देखिन्छ ।
मार्च १३ पछि पहिलो पटक अन्तर्राष्ट्रिय क्रिकेट खेल हुन लागेको हो । इंग्ल्यान्डको टोलीमा जेम्स एन्डरसन, जोफ्रा आर्चर, स्टुअर्ट ब्रोड, क्रिस वोक्स र मार्क वुड तीव्र गतिका बलरको रुपमा छन् । ओपनिङ रोरी बर्न्स र डोम सिब्ले गर्ने देखिन्छ । तेस्रो नम्बरमा ज्याक क्रली र जो डेनली मध्य एकले गर्ने छन् ।
चौथो नम्बरमा युवा ब्याट्सम्यान ओली पोपले समाल्ने छन् । पाँचौं नम्बरमा कप्तान स्टोक्स र छैटौं नम्बरमा उप–कप्तान जस बटलरले इंग्ल्यान्डको ब्याटिङ समाल्ने देखिन्छ । स्पिनरको रुपमा डोम बेस छन् । युवा स्टार स्याम करण भने ९ रिजरर्भ खेलाडीमा अटाएका छन् ।
पहिलो टेष्ट : जुलाई ८ देखि १२ सम्म
दोस्रो टेष्ट : जुलाई १६ देखि २० सम्म
तेस्रो टेष्ट : जुलाई २४ देखि २८ सम्म
पहिलो टेष्टको लागि इंग्ल्यान्डको टोली :
बेन स्टोक्स (कप्तान), जेम्स इन्डरसन, जोफ्रा आर्चर, डोम बेस, स्टुअर्ट ब्रोर्ड, रोरी बर्न्स, जस बटलर (विकेटकिपर), ज्याक क्रली, जो डेनली, ओली पोप, डोम सिब्ले, क्रिस वोक्स र मार्क वुड ।
