एजेन्सी – इन्डियन प्रिमियर लिग (आइपिएल) को १३ औं संस्करण अन्यौलमा छ । कोरोना महामारीको कारण आइपिएल गत वैशाखमा अनिश्चित समय सम्म सरेको थियो ।

भारतीय क्रिकेट कन्ट्रोल बोर्ड (बिसिसीआई) लाई आइपिएल गर्न तीन देशले प्रस्ताव गरेका छन् । पहिलो पटक श्रीलंका क्रिकेट बोर्डले आफ्नो देशमा आइपिएल गर्न प्रस्ताव गरेको थियो । संयुक्त अरब इमिरेट्स (युएई) र न्युजिल्यान्ड क्रिकेट बोर्डले पनि प्रस्ताव गरेका छन् । न्युजिल्यान्ड कोरोना मुक्त मुलुक हो ।

‘हामी बोडकास्टर, फ्रेन्चाइज टोली लगायत सबै सरोकारवालासँग छलफल गर्ने छौं । हामीलाई युएई, श्रीलंका र न्युजिल्यान्डबाट आइपिएल गर्न प्रस्ताव आएको छ । खेलाडीको सुरक्षाा पहिलो प्राथमिकता हो’, बिसिसीआईका एक अधिकारीले पिटिआईसँग भनेका छन् ।

न्युजिल्यान्डमा १ हजार ५ सय ३३ जनामा कोरोना संंक्रमण देखिदा २२ जनाको मृत्यु भएको छ । श्रीलंकामा हालसम्म २ हजार ७६ जनामा कोरोना संक्रमित देखिदा ११ जनको मृत्यु भएको छ । युएईमा ५१ हजार ५१ हजार बढी कोरोना संक्रमित देखि सकेका छन् । भारत र न्युजिल्यान्डबीचको समयमा साढे सात घण्टा फरक छ ।

आइपिएल यस अघि आम निर्वाचनको कारण सन् २००९ मा दक्षिण अफ्रिकामा भएको थियो । सन् २०१४ मा भने केहि खेल युएईमा भएका थिए । २०१९ मा पनि देश वाहिर हुने चर्चा भएपनि अन्तिममा भारतमै भएको थियो । भारतमा हालसम्म ६ लाख ९७ हजारमा कोरोना संक्रमित भेटिदा १९ हजार ६ सय ९३ जनाको मृत्यु भएको छ ।

भारत कोरोना प्रभावित विश्वकै तेस्रो मूलुक पर्दछ । त्यसैले यस वर्ष आइपिएल देशबाहिर हुने सम्भावना धेरै छ । श्रीलंका पहिलो रोजाईमा पर्न सक्ने अनुमान गरिएको छ । आइपिएल २०२० को लागि बिसिसीआई तयारीमा लागि सकेको छ ।

यस वर्ष अष्ट्रेलियामा अक्टोबर नोभेम्बरमा टि२० विश्वकप नभएमा उक्त समयमा आइपिएल गर्ने बिसिसीआईको योजना छ । यो वर्ष आइपिएल नभएमा बिसिसीआईलाई ५ हजार करोड भारतीय रुपैयाँ घाटा लाग्ने छ ।