एजेन्सी – इंग्ल्यान्ड र वेस्टइन्डिजबीचको पहिलो टेष्ट खेल बुधवार देखि सुरु हुँदै छ । खेल नेपाली समय अनुसार दिउँसो ३:३० मा साउथह्याप्टनमा सुरु हुनेछ ।

कोरोना महामारीको कारण मार्च १३ पछि पहिलो पटक अन्तर्राािष्ट्रय खेल खेल हुन लागेको हो । पछिल्लो पटक अन्तिम अन्तर्राष्ट्रिय खेल अष्ट्रेलिया र न्युजिल्यान्डबीच एक दिवसिय खेल भएको थियो । १ सय १६ दिनपछि अन्तर्राष्ट्रिय क्रिकेट फर्किंदा समर्थक, शुभचिन्तक, खेलाडी, प्रशिक्षक लगायत सबैमा उत्साह र खुसि फर्किंने छ ।

खेल दर्शक विनाको खाली रंगशालामा हुने छ । इंग्ल्यान्डका नियमित कप्तान जो रुट पारिवारिक कारण पहिलो टेष्टमा उपलब्ध हुने छैनन् । इंग्ल्यान्डको कप्तानी अलराउन्डर बेन स्टोक्सले गर्ने छन् । हालसम्म घरेलु प्रतियोगितामा पनि कप्तानी नगरेका स्टोक्स इंग्ल्यान्डको ८१ औं टेष्ट कप्तान बन्दैं छन् ।

स्टोक्स र वेस्ट इन्डिजका कप्तान जेसन होल्डरबीचको प्रतिस्पर्धाको रुपमा समेत हेरिएको छ । टेष्ट अलराउन्डर वरियता शीर्षस्थानमा रहेका होल्डर र दोस्रो स्थानमा रहेका स्टोक्स प्रमुख हतियार हुन् । दुबै देशलाई कप्तानको प्रर्दशन महत्वपूर्ण बन्ने अनुमान गरिएको छ ।

घरेलु टोली इंग्ल्यान्डको शीर्षक्रम ब्याटिङलाइनप केहि कमजोर देखिन्छ । शीर्षक्रमका युवा ब्याट्सम्यान ज्याक क्रली, ओली पोप, डोम सिब्लेमा टेष्टको धेरै अनुभव छैन । ओपनिङ सिब्ले र रोरी बन्र्सले गर्ने छन् ।

तेस्रो नम्वरमा जो डेनली वा ज्याक क्रली मध्य एकले मौका पाउँने छन् । २२ वर्षिय क्रली भन्दा डेनली उमेर र खेल दुबैको हिसाबमा अनुभवी छन् । क्रलीले मात्र ४ टेष्ट खेल खेल्दा ३४ वर्षिय डेनलीले १४ टेष्ट खेलेका छन् । त्यसैले डेनलीको बलियो सम्भावना रहँन्छ ।

चौथों नम्वरमा पोपले ब्याटिङ गर्ने छन् । इंग्ल्यान्डको आगमी भविष्य मानिएका पोपबाट कप्तान रुटको अभाव महसुस हुँन नदिने आशा राखिएको छ । ७ टेष्ट खेलेका पोपले १ शतक सहित ४ सय ३० रन बटुलेका छन् । पोप इंग्ल्यान्ड क्रिकेटमा ठूलो सम्भावना बोकेका युवा ब्याट्सम्यान हुन् ।

२९ वर्षिय बाँया हाते रोरीले १५ टेष्टमा २ शतक सहित ९ सय ७९ रन बनाएका छन् । सिब्लेले ६ टेष्ट मात्र खेलेका छन् । पाँचौ नम्वरमा स्टोक्स र छैटौं नम्वरमा विकेटकिपर जस बटलरले ब्याटिङ समाल्ने छन् । ब्याटिङमा यी दुई खेलाडीको प्रर्दशन महत्वपूर्ण रहने छ । तीब्र गतिका बलरको रुपमा जेम्स एन्डरसन, स्टुअर्ट ब्रोर्ड र जोफ्रा आर्चरको सम्भावना छ सम्भावना छ । स्टोक्सले तीव्र गतिका साथ दिने छन् । स्पिनरमा डोम बेस रहने छन् ।

एन्डरसन टेष्टमा सर्वाधिक विकेट लिने तीव्र गतिका बलर हुन् । एन्डरसन आफ्नो करिअरको ६ सय विकेट पूरागर्न १६ विकेट टाढा छन् । र यस सिरिजमा पूरा गर्न चाहन्छन् । यता वाउन्सर बलका सिपालु आर्चर वेस्ट इन्डिजलाई टाउँको दुखाईंको वलर बन्न सक्छन् । अनुभवी ब्रोर्ड आफ्नो टेष्ट करिअरको ५ सय विकेट पूरा गर्न १५ विकेट आवश्यक छ । समग्रमा इंग्ल्यान्डको फास्ट बलिङ सर्वाधिक बलियो हतियार देखिन्छ ।

यता एक महिना अघिनै इंग्ल्यान्डमा आएको वेस्ट इन्डिज उत्कृष्ट प्रर्दशन गर्दै रुट विनाको घरेलु टोलीलाई निराश बनाउँन चाहाँन्छ। ओपनर जोन क्याम्पबेल र क्रेग ब्रेथवेटले ओपनिङ गर्ने छन् । शाई होप तेस्रो र शम्राह ब्रुक्स चौथाें नम्बरमा ब्याटिङ गर्ने छन् । होपबाट ब्याटिङमा वेस्ट इन्डिजले ठूलो आशा राखेको छ ।

शिम्रन हेटमायर टोलीमा नहुँदा पाँचौ नम्बरमा रोस्टन चेश र छैटौं नम्बरमा कप्तान होल्डरले समाल्ने छन् । होल्डरले पाँचौं नम्बरमा ब्याटिङ गर्ने सम्भावना पनि त्यतिनै रहन्छ । विकेटकिपर शेन डोउरीचले सातौं नम्बरमा गर्न सक्छन् । तीब्र गतिका बलरको रुपमा अल्जारी जोशेफ, केमार रोच र श्यानन गेब्रिपल सम्भावना छ ।

वेस्ट इन्डिजका सफल बलर रोच आफ्नो टेष्ट दुई सय विकेट पूरा गर्न ७ विकेटले टाढा छन् । स्पिनरको रुपमा अलराउन्डर तथा १ सय ४० केजी भन्दा बढी तौल भएका खेलाडी रहकीम कर्नवाल रहने छन् । कर्नवालले तल्लोक्रममा राम्रो ब्याटिङ समेत गर्ने गर्दछन् ।

यता बलरले बलमा थुक प्रयोग गर्न नपाउँने हुँदा पहिलो टेष्टमा खेलाडीलाई कठिन हुने अनुमान गरिएको छ । दुई पटक भन्दा बढी बलमा थुक लगाएको खण्डमा ५ रन पेनाल्टी लाग्ने छ । पहिलो पटक थुक प्रयोग गर्दा अम्पायरले चेतावनी दिने छन् ।

पछिल्लो एक दशकमा टि२० क्रिकेटमा बढि केन्द्रित देखिएको वेस्ट इन्डिज टेष्ट हेड टु हेडमा भने इंग्ल्यान्ड भन्दा अघि छ । हालसम्म इंग्ल्यान्ड र वेस्ट इन्डिजले १ सय ५७ टेष्ट खेल खेलेका छन् । जसमा इंग्ल्यान्ड ४९ खेलमा विजयी हुँदा ५७ खेलमा पराजित भएको छ । ५१ खेल ड्र भएको छ ।

तीन टेष्ट सिरिज अन्तर्गत दोस्रो १६ देखि २० र अन्तिम खेल २४ जुलाई देखि २८ सम्म चल्ने छ । त्यसपछि इंग्ल्यान्डले लगत्तै जुलाई ३० देखि अगष्ट ४ सम्म आयरल्यान्डसँग तीन ओडिआई सिरिज घरेलु मैदानमै खेल्ने छ । १२ घण्टाको अन्तरपछि इंग्ल्यान्डले पाकिस्तानसँग खेल्ने छ ।

अगष्ट ५ देखि २५ सम्म पाकिस्तानसँग तीन टेष्ट सिरिज खेल्ने छ । पाकिस्तानसँग तीन टि२० सिरिज अगष्ट २८ देखि सेप्टेम्बर १ सम्म खेल्ने इंग्ल्यान्डको कार्यतालिका छ । सबै सिरिज दर्शक विनाको रंगशालामा हुनेछन् ।