नेपाली राष्ट्रिय क्रिकेट टोलीका भरपर्दा खेलाडी शक्ति गौचन अब चाडैं एक म्युजिक भिडियोमा देखा पर्दैछन। मैदानमा सधै हँसिला देखिने गौचन मैदान बाहिरपनि उत्तिकै छन्।

सन्तोष बस्नेत को शब्द र स्वर रहेको उक्त गीतको भिडियो निकेश खड्काले निर्देशन गरेका हुन्। यसअघी पनि निकेशकै निर्देशनमा फुटबल खेलाडी रुपेश केसीले प्रियंका कार्कीसंग म्युजिक भिडियो खेलेका थिए।  यस गीतमा संगीत सुरज कुमार थापाले दिएका हुन्।

शक्ति यस भिडियोमा क्रिकेटरका रुपमै प्रस्तुत हुनेछन भने वरिष्ठ कलाकार मिथिला शर्मा पनि भिडियोमा छिन्। अर्जुन तिवारीले खिचेको यो म्युजिक भिडीयोलाई निशान घिमिरेले सम्पादन गरेका छन।

गीतको छायांकन आज मात्र सकिएको हो र छिट्टै यो म्युजिक भिडियो दर्शकमाझ आउने बुझिएको छ।