default_image

4 years ago

August 9, 2020

अभाव र संकटकाबीच गौतम बुद्ध रंगशाला निर्माणकार्य जारी

काठमाडौं (हाम्रो खेलकुद) – विश्व यतिबेला कोरोना महामारीविरुद्ध लडि रहेको छ । त्यसको मार खेलकुद क्षेत्र र गतिविधीमा नराम्रोसँग परेको छ । नेपालमा ६ महिना यता राष्ट्रिय तथा अन्तर्राष्ट्रिय प्रतियोगिता हुन सकेको छैन । यो सबका बाबजुद धुर्मुस सुन्तली फाउन्डेसनले चितवन भरतपुरको शान्तिपुरमा जनस्तरबाट निर्माण भइरहेको गौतम बुद्ध अन्तर्राष्ट्रिय रंगशालाको निर्माण कार्य रोकिएको छैन । […]

69 views

0 Bookmark

काठमाडौं (हाम्रो खेलकुद) – विश्व यतिबेला कोरोना महामारीविरुद्ध लडि रहेको छ । त्यसको मार खेलकुद क्षेत्र र गतिविधीमा नराम्रोसँग परेको छ । नेपालमा ६ महिना यता राष्ट्रिय तथा अन्तर्राष्ट्रिय प्रतियोगिता हुन सकेको छैन ।

यो सबका बाबजुद धुर्मुस सुन्तली फाउन्डेसनले चितवन भरतपुरको शान्तिपुरमा जनस्तरबाट निर्माण भइरहेको गौतम बुद्ध अन्तर्राष्ट्रिय रंगशालाको निर्माण कार्य रोकिएको छैन । कोरोना महामारीको कठिन समयमा विभिन्न अभाव र संकटकाबीच पनि निरन्तर काम जारी रहेको छ ।

सम्पूर्ण नेपालीको साथ, सहयोग, हैसला र प्रेरणाले रंगशाला निर्माण कार्य निरन्तर अगाडि बढि रहेको फाउन्डेसनका अध्यक्ष सिताराम कट्टेल (धुर्मुस) बताउँछन् । कोरोना महामारीको कारण चैत्र ९ गतेदेखि वैशाख २० गतेसम्म रंगशाला निर्माण कार्य रोकिएको थियो । वैशाख २० पछि आंशिक रुपमा सिमित जनशक्तिबाट निर्माण कार्य सुरु भएको थियो । अहिले रंगशाला निर्माणमा १ सय ५१ जना भन्दा बढी जनशक्ति दिनरात खटि रहेका छन् ।

‘लकडाउनको अवस्थामा निर्माण सामाग्री जुटाउन हामीले धेरै गाह्रो परेको थियो । तर कठिन परिस्थितीको बाबजुत हामीले कामलाई अगाडि बढाइरहेका छौं । एकातिर आर्थिक संकट र अर्कोतर्फ स्रोत अभावको बिचमा पनि हामी एक अठोट संकल्पको साथ देशको प्रतिष्ठा गौतम बुद्ध रंगशाला निर्माण अभियानमा निरन्तर छौं’, धुर्मुसले भने ।

३० हजार समर्थक अट्ने क्षमता भएको यस रंगशाला विशेष त सिंगो देशको प्रतिष्ठासँगै राष्ट्रिय एकताको परियोजना समेत हो । यस निर्माणधीन रंगशालामा सिंगो देश हेर्न सकिन्छ । योजनामा ७७ वटा कोठा छन् । पूर्व मेचिदेखि पश्चिम महाकालीसम्म, झापा सुनसरी हुँदै कैलाली कञ्चनपुर सम्मको जिल्लाहरुलाई समेटेर ७७ वटा कक्ष निर्माणाधीन छन् । रंगशालाको छतमा ७७ वटै कमलका पत्ताहरु छन् । सात प्रदेशको प्रतिनिधित्व हुनेगरि फरक फरक गेट छन् । नेपालको धार्मिक, प्राकृतिक, सांस्कृतिक, मौलिक सम्पदा झल्किने गरि रंगशाला निर्माण भइरहेका छ ।

कोरोना मात्र होईन बर्खा समयको कारण आकाशबाट आउने भन्दा जमिनमुनीबाट मूल फुटेर आउने पानीले बढि दुःख दिएको धुर्मुस बताउँछन् । २४ घण्टानै १९ वटा पम्पबाट बाहिर फाल्दै निरन्तर रंगशाला निर्माण भई रहेको छ । अन्तर्राष्ट्रिय खेल मैदानको ८५ प्रतिशत काम सकिएको छ । जसमा सात मुख्य पिच छन् । बर्खा समय भएको हुँदा पिचको माटो हाल्न र आउट फिल्ट सम्माउन मात्र बाँकी छ । बर्खा सकिँदै बितिक्कै निर्माण सुरु हुँने छ ।

पिचलाई आवश्यक पर्ने माटोलगभग तयार भई सकेको छ । माटोलाई पिटेर राखिएको छ । धुर्मुसका अनुसार अहिले प्यारापिटको काम भई रहेको छ । प्यारापिटको जग ढलान कार्य ४० प्रतिशत सकिएको छ ।

रंगशालाको लागि चाहिने २० लाख लिटर पानी अट्ने ट्यांकी निर्माण लकडाउन अगाडिनै सकिएको थियो । नमुना मैदान लकडाउन अघि नै तयार भएको थियो र थुप्रै खेल संचालन भइसकेका छन् । राष्ट्रिय प्रतियोगिता गर्न मिल्ने गरि तीन पिच रहेको नमुना मैदान अवस्था सामान्य हुँदा बितिक्कै खुल्ने छ । राष्ट्र निर्माण अभियान नेपाली दक्ष जनशक्तिबाटै बनोस भन्ने धुर्मुस चाहान्छन् । गौतमबुद्ध रंगशाला मात्र नभएर हरेक नेपालीको मन, भावना, आशा र खुसी ठडिरहेको धुर्मुस बताउँछन् ।

March 19, 2024

पहिलो कप्तान नेरीले क्रिकेटबाट सन्न्यास लिइन्

काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको‌ घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]

March 18, 2024

कैलाली प्रिमियर लिग – शुक्लाफाँटाको जित

धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]

March 15, 2024

जीतपुरसिमरा क्रिकेट कप सुरु हुँदै

सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]

Success

Thank you for your time.