4 years ago
August 22, 2020
एजेन्सी – मुम्बई इन्डियन्सका प्रमुख तीव्र गतिका बलर लासिथ मलिङ्गाले अर्को महिना देखि यूएईमा हुने इन्डियन प्रिमियर लिग (आइपिएल) को सुरुवाती खेल गुमाउने भएका छन् ।
श्रीलंका टि२० का कप्तान समेत रहेका मलिङ्गाले ब्यक्तिगत कारण सुरुवाती खेल गुमाउने भएका हुन् । मुम्बई इन्डियन्स शुक्रबार यूएई पुगेको छ । तर मलिङ्गाले यूएई भ्रमण गरेका छैनन् । मलिङ्गाको बुबाको यसै हप्ता शल्यक्रिया हुन लागेकाले उनले बुबासँगै बस्न चाहेका छन् । मलिङ्गाले कोलोम्बोमा अभ्यास गर्ने छन् ।
गतवर्ष मलिङ्गाले मुम्बईलाई चौथो आइपिएल उपाधि दिलाउन अन्तिम ओभरमा उत्कृष्ट प्रर्दशन गरेका थिए । अन्तिम ओभरमा चेन्नई सुपर किंग्सलाई ९ रन चाहिएको अवस्थामा मलिङ्गाले ७ रन दिदै १ रनको रोमाञ्चक जित दिलाएका थिए । मलिङ्गा आइपिएलमा सर्वाधिक विकेट लिने खेलाडी हुन् । सन् २००९ देखि आइपिएल खेल्दै आएका मलिङ्गाले १ सय २२ खेलमा कुल १ सय ७० विकेट लिएका छन् ।
टि२० क्रिकेटका सर्वाधिक सफल बलर मलिङ्गाले सुरुवाती खेल गुमाउँदा पनि मुम्बईलाई त्यति धेरै असर भने पर्ने छैन । मुम्बईसँग थुप्रै विकल्प छन् । मुम्बईमा तीब्र गतिका बलरको रुपमा जस्प्रित बुमराह, धवन कुलकर्णी, ट्रेन्ट बोल्ट, मिचेल म्याक्लेनाघन, नाथन कुल्टर नाइल, अलराउन्डर हार्दिक पान्ड्या र वेस्टइन्डिजका काइरान पोलार्ड छन् ।
आइपिएल आगमी सेप्टेम्बर १९ देखि नोभेम्बर १० सम्म यूएईमा हुँदै छ । मुम्बई आइपिएलमा सर्वाधिक चार पटक उपाधि जित्ने एक्लो टोली हो ।
May 16, 2024
एजेन्सी – इंडियन प्रिमियर लिग (आईपिएल) अन्तर्गत बुधवार सम्पन्न एकमात्र खेलमा दोस्रो स्थानको राजस्थान रोयल्स पञ्जाब किंग्स विरुद्ध पराजित भएको छ । पञ्जाबले राजस्थानलाई ५ विकेटले पराजित गरेको हो । राजस्थानले दिएको १४५ रनको मध्यम लक्ष्य पञ्जाबले ५ विकेट गुमाएर ७ बल बाँकी छँदा भेटायो । पञ्जाबका कप्तान स्याम करनले ४१ बलमा ५ चौका र […]
May 15, 2024
काठमाडौं (हाम्रो खेलकुद)- स्पिनर सन्दीप लामिछाने टि ट्वान्टी विश्वकप खेल्न अमेरिका र वेस्ट इन्डिज जाने बाटो खुलेको छ । नेपाल क्रिकेट संघ (क्यान) ले निलम्बन फुकुवा गरेसँगै सन्दीपलाई राष्ट्रिय क्रिकेट टोलीबाट खेल्ने बाटो खुलेको हो। आईसीसी टी-२० विश्वकप २०२४ खेल्न सन्दीपलाई अमेरिका र वेष्टइण्डिज पठाउने तयारी सुरु गरेको क्यानका कोषाध्यक्ष पदम खड्काले जानकारी दिए।उच्च अदालत […]
May 15, 2024
काठमाडौं (हाम्रो खेलकुद)- क्रिकेटर सन्दीप लामिछानेले बुधबार बलात्कार मुद्दामा सफाइ पाएका छन्। काठमाडौं जिल्ला अदालतबाट बलात्कार मुद्दामा दोषी ठहर भएका क्रिकेटर सन्दीपले ले उच्च अदालत, पाटनबाट सफाइ पाएका हुन्। उच्च अदालत, पाटनका न्यायाधीशद्वय सुदर्शनदेव भट्ट र अञ्जु उप्रेती ढकालको इजलासले यो निर्णय गरेको हो।मंगलबार र बुधबार लगातार भएको सुनुवाइपछि उच्च अदालतको यो निर्णय आएको हो। जिल्ला अदालतको […]