4 years ago
August 23, 2020
काठमाडौं (हाम्रो खेलकुद) – राष्ट्रिय क्रिकेट टोलीका पुरुष खेलाडीले रोकिएको पारिश्रमिक (तलब) यसै हप्ता पाउन सक्ने सम्भावना बढेको छ ।
सन् २०१९ को सुरुवात देखि राष्ट्रिय खेलाडीले तलब पाएका छैनन् । नेपाल क्रिकेट संघ (क्यान) अघिल्लो हप्ता अन्तर्राष्ट्रिय क्रिकेट परिषद् (आइसिसी) लाई रोकिएको तलब पठाइदिन आग्रह गर्दै सबै खेलाडीको हस्ताक्षर पठाएको थियो ।
‘२०१९ देखिको तलब आइसिसीले दिन बाँकी छ । आइसिसीले खेलाडीको हस्ताक्षर गरेर पठाउ भनेपछि हामीले अघिल्लो हप्ता पठाएका छौं । यो हप्ता सम्ममा सायद तलब निकासा हुन्छ होला’, क्यानका सचिव अशोकनाथ प्याकुरेलले भने,’आइसिसीले बनाएको तीन ग्रेड अनुसार पैसा पठाउने कुरा छ । ग्रेडमा कुन कुन खेलाडी रहेको भन्ने उताबाट नआईकन भन्न सकिदैन ।’
‘ग्रेड उताबाट कुन हिसाबमा आउँछ भन्न सकिदैन । आइसिसीले पठाउने हुँदा उताबाट फाइनल भएर आएपछि मात्र को खेलाडी कुन ग्रेडमा भन्ने थाहाँ हुने छ । हामीले २२ खेलाडी र टेक्निकल एनालिष्ट रमन शिवाकोटीको नाम पारिश्रमिकको लागि पठाएका थियौं । हामीले हरेक ग्रेडमा १० हजार वृद्धि गरेर पठाउन समेत भनेका थियौं’, प्याकुरेलले भने ।
यस अघि ‘ए’ ग्रेडमा रहेका खेलाडीले ३५, ‘बी’ ले २५ र ‘सी’ ले १५ हजार पाएका थिए । नेपाल क्रिकेट संघ (क्यान) आइसिसीबाट पूर्णरुपमा प्रतिबन्धबाट फुकुवा भने भई सकेको छैन । २०७३ वैशाख १३ मा आइसिसीले क्यानमाथि राजनीतिक हस्तक्षेप, दुई समान्तर समिति, निष्पक्ष चुनाव हुन नसकेको लगायत कारण देखाउँदै लगाएको प्रतिबन्ध गतवर्ष असोज ११ मा नयाँ समिति आएसँगै सशर्त रुपमा असोज २७ मा फुकुवा गरेको थियो ।
May 17, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्ध लगातार दोस्रो जित दर्ता गरेको छ । पार्क हिल मैदानमा भएको दोस्रो खेलमा नेपाल ४९ रनले विजयी भएको हो । नेपालले दिएको १८० रनको लक्ष्य पछ्याएको घरेलु टोली १८.४ ओभरमा १३० रनमा समेटियो । नेपालको जितमा कुशल […]
May 17, 2024
काठमाडौं (हाम्रो खेलकुद) – आईसिसी टि-२० विश्वकप अघि नेपालले खेल्ने आधिकारिक वार्म-अप खेलको तालिका सार्वजनिक भएको छ । नेपालले दुई एसोसिएट राष्ट्र अमेरिका र क्यानडा विरुद्ध वार्म अप खेल खेल्ने भएको हो । नेपालले दुवै खेल टेक्सास स्थित ग्रान्ड प्रेरी क्रिकेट स्टेडियममा खेल्नेछ । नेपालले २७ मेमा क्यानडा विरुद्ध खेल्नेछ भने ३० मेमा अमेरिकाको सामना […]
May 16, 2024
एजेन्सी – सनराईजर्स हैदराबाद जारी इंडियन प्रिमियर लिग (आईपिएल) को प्लेअफमा पुग्ने तेस्रो टोली बनेको छ । गुजरात टाईटन्स विरुद्धको बिहीबारको खेल वर्षाका कारण टस नै नभई रद्द भएपछि हैदराबाद प्लेअफमा पुग्ने पक्का भएको हो । तेस्रो स्थानमा रहेको हैदराबाद १३ खेलमा १५ अंक भएको छ । दोस्रो स्थानमा रहेको राजस्थान रोयल्सको १३ खेलमा १६ […]