4 years ago
August 25, 2020
काठमाडौं (हाम्रो खेलकुद) – नेपाल क्रिकेट संघ (क्यान) ले राष्ट्रिय महिला क्रिकेट टोलीको पनि कोरोना विमा गरेको छ ।
गत शनिबार पुरुष टोलीका २१ खेलाडी सहित कुल ५१ जनाको कोरोना विमा गरेको क्यानले मंगलबार एक प्रेस विज्ञप्ति जारी गर्दै १८ जना महिला क्रिकेटरको क्यानले कोरोना विमा गरेको जनाएको छ । क्यानका सचिव अशोकनाथ प्याकुरेलले गत मंसिरमा १३ औं दक्षिण एसियाली खेलकुद (साग) टि२० क्रिकेट टोलीमा रहेका महिला टोलीको कोरोना विमा भएको जनाकारी दिएका छन् ।
यसअघि भने क्यानले महिला टोलीको कोरोना विमा पछि आवश्यकता हेरेर गर्न सकिने जनाएको थियो । क्यानले आइएमई जनरल इन्स्युरेन्समार्फत एक वर्षको विमा गरेको हो । कोरोना महामारीको कारण यो वर्ष महिला र पुरुष टोली दुवैको अन्तर्राष्ट्रिय खेल खेल्ने सम्भावना कम छ ।
अन्तर्राष्ट्रिय तालिका अनुसार पुरुष टोलीको आगमी डिसेम्बरमा बंगलादेशमा एसिया टिम्स एसिया कप खेल्ने छ । कोरोना महामारीको कारण उक्त प्रतियोगिता हुने निश्चित छैन । पछिल्लो पटक गतवर्ष मंसिरमा १३ औं दक्षिण एसियाली खेलकुद (साग) महिला टोलीले खेलेको अन्तिम अन्तर्राष्ट्रिय प्रतियोगिता हो । उक्त सागमा माल्दिभ्यसलाई हराउँदै महिला टोलीले ऐतिहासिक कास्य पदक जितेका थिए ।
विमा गरिएका खेलाडी : रुविना क्षेत्री बेलबासे (कप्तान), सिता राना मगर, इन्दु बर्मा, काजल श्रेष्ठ, करुणा भण्डारी, अप्सरी बेगम, सोनु खड्का, ममता चौधरी, सरस्वती चौधरी, अन्जली चन्द, सरिता मगर, सुमन खतिवडा (शान्ति), रोमा थापा, डली भट्ट, कविता कुँवर, ज्योती पान्डे, संगिता राई, अस्मिना कर्माचार्य
May 16, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको दोस्रो अभ्यास खेलमा बलियो योगफल खडा गरेको छ । पार्क हिल मैदानमा टस जितेर ब्याटिङ गरेको नेपालले निर्धारित २० ओभरमा ९ विकेट गुमाएर १७९ रन बनायो । नेपालका लागि अनिल साहले विष्फोटक इनिङ खेल्दै २७ बलमा ४ […]
May 16, 2024
काठमाडौं (हाम्रो खेलकुद) – लेग स्पिनर सन्दीप लामिछानेले अर्को महिना अमेरिका र वेस्ट इन्डिजमा सुरु हुने आइसीसी टि२० विश्वकपमा खेल्ने बाटो खुलेको छ । अन्तर्राष्ट्रिय क्रिकेट परिषद (आइसीसी) बाट सन्दीपको नाम नेपालको विश्वकप खेल्ने टोलीमा समावेश गर्न सकारात्मक जवाफ आएसँगै उनले विश्वकप खेल्ने बाटो खुलेको हो । नेपाल क्रिकेट संघ (क्यान) का अध्यक्ष चतुरबहादुर चन्दले […]
May 16, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको दोस्रो अभ्यास खेलमा टस जितेको छ । नेपालका कप्तान रोहित पौडेलले टस जितेर ब्याटिङ गर्ने निर्णय गरेका छन् । नेपालले टोलीमा दुई परिवर्तन गरेको छ । पछिल्लो खेल खेलेका सागर ढकाल र करण केसी टोलीबाट बाहिरिएका छन् […]