कोका कोला इन्डोर कर्पोरेट कप २०१६ को दोस्रो दिन आज समुह चरणको ५ खेल सकिएका छन। दिनको पहिलो खेलमा एफवन सफ्टले गोर्खा ब्रेवरीलाई ३ विकेटले हरायो । टस जितेर पहिले फिल्डिङ रोजेको एफवन सफ्टले बलियो मानिएको गोर्खा ब्रेवरीलाई १० ओभर १ बलमा सबै विकेट लिदै ७३ रनमा रोक्न सफल भयो । जवाफमा १० ओभर १ बल खेल्दै एफवन सफ्टले ४ विकेटको क्षतिमा लक्ष्य पार गर्यो।
त्यस्तै दोस्रो खेलमा नेपाल खेल्कुद पत्रकार मन्च (एनएसजेएफ) ले फ्याक्ट्स नेपाल बिरुद्ध ६ विकेटको जित हासिल गर्यो । दोस्रो ब्याटिङ गरेको एनएसजेएफले सानो मानिएको ३७ रनको लक्ष्य ६ ओभरको अन्त्यमा १ विकेटको क्षतिमा पुरा गर्यो । एनएसजेएफकालागी ३ विकेट लिएर ११ रनको योगदान दिदै सुबास हुमागाइले अल राउण्ड प्रदर्शन गरे ।
त्यस्तै अन्य खेलहरुमा यतीएयरले बोट्लर्स नेपाललाई ६ विकेटले जित्यो, त्यस्तै प्रीमियर इन्सुरेन्स बिरुद्ध ५० रनको जित बटुल्दै सिप्रदी समुह बिजेता भयो भने अन्तिम खेलमा कान्तिपुर टेलिभिजनले फ्याक्ट्स नेपाललाई ३१ रनले जित्न सफल भयो ।
भोली दुइ समुह चरणको खेलहरु हुनेछ भने सम्पूर्ण क्वाटरफाइनल खेल भोली निष्कर्षमा पुग्ने छन ।
