default_image

3 years ago

October 28, 2020

मुम्बई र बेंगलोरबीच प्लेअफ पुग्न भिडन्त

एजेन्सी – इन्डियन प्रिमियर लिग (आइपिएल) को ४८ औं खेलमा आज शीर्ष स्थानका मुम्बई इन्डियन्स र रोयल च्यालेन्जर्स बेंगलोरबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा सुरु हुनेछ । मुम्बई र बेंगलोरबीचको विजेता टोलीको प्लेअफमा स्थान पक्का हुने छ । पराजित हुने टोलीले प्ले अफमा स्थान […]

35 views

0 Bookmark

एजेन्सी – इन्डियन प्रिमियर लिग (आइपिएल) को ४८ औं खेलमा आज शीर्ष स्थानका मुम्बई इन्डियन्स र रोयल च्यालेन्जर्स बेंगलोरबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा सुरु हुनेछ ।

मुम्बई र बेंगलोरबीचको विजेता टोलीको प्लेअफमा स्थान पक्का हुने छ । पराजित हुने टोलीले प्ले अफमा स्थान बनाउन अन्य नतिजा पर्खनु पर्ने हुन्छ । आजको विजेता टोली शीर्षस्थानमा उक्लिने छ । समान ११ खेल खेलेका मुम्बई र बेंगलोरको १४–१४ अंक छ । नेट रन रेटको आधारमा मुम्बई शीर्ष र बेंगलोर दोस्रो स्थानमा छ ।

आजको विजेता टोलीलाई शीर्ष दुई मा रहेर लिग चरण अन्त्य गर्दै सोझै क्वालिफायर खेल्न पाउने अवसर पनि रहनेछ । लिग चरणको खेलमा मुम्बई बेंगलोरसँग सुपर ओभरमा पराजित भएको थियो । यी दुवै टोलीले पछिल्लो खेलमा हार बेहोरेका छन् ।

मुम्बई पछिल्लो खेलमा राजस्थान रोयल्ससँग ८ विकेटले पराजित भएको थियो । मुम्बईले प्रस्तुत गरेको १ सय ९६ रनको विजयी लक्ष्य राजस्थानले १८.२ ओभरमा दुई विकेटको क्षतिमा पूरा गरेको थियो । मुम्बईका कप्तान रोहित शर्मा किंग्स इलेभेन पन्जाबसँग घाइते हुँदा पछिल्ला दुई खेल गुमाएका छन् । रोहित आजको खेलमा पनि टोलीमा उपलब्ध हुने सम्भावना कम छ ।

कार्यवाहक कप्तान काइरन पोलार्डको प्रर्दशन महत्वपूर्ण हुने छ । क्विन्टन डी कक, सूर्यकुमार यादव, ईशान किशनले शीर्षक्रममा राम्रो प्रर्दशन गर्दै आएका छन् । हार्दिकले राजस्थानविरुद्ध २१ बलमा ६० रन जोडेका थिए । हार्दिकबाट मुम्बई त्यस्तै प्रर्दशनको आशा राखेको छ ।

राजस्थानविरुद्ध दुवै विकेट जेम्स प्याटिनसनले लिएका थिए । जारी सिजनमा उच्च प्रर्दशन गरेका जस्प्रित बुमराह र ट्रेन्ट बोल्ट विकेटविहिन बनेका थिए । बुमराह र बोल्टले उच्च प्रर्दशन गर्नुपर्ने आवश्यक देखिन्छ । लिग चरणको खेलमा ९९ रनमा आउट भएका किशन र २४ बलमा ६० रन जोडेका पोलार्ड बेंगलोरलाई टाउको दुखाईका खेलाडी बन्न सक्छन् ।

बेंगलोरले पछिल्लो खेलमा चेन्नई सुपर किंग्ससँग ८ विकेटले पराजित भएको थियो । ओपनर देवदत्त पाडिक्कल र एबी डिभिलियर्स राम्रो लयमा छन् । डी भिलियर्सले मुम्बईविरुद्ध लिग चरणको खेलमा अन्त्यमा २४ बलमा ५५ रन जोडेका थिए । उत्कृष्ट लयमा रहेका डी भिलियर्सलाई रोक्न मुम्बईका बलरलाई प्रमुख चुनौती हुने छ । कप्तान विराट कोहलीले पनि राम्रो प्रर्दशन गर्दै आएको हुँदा बेंगलोरको ब्याटिङ बलियो देखिएको छ ।

क्रिस मोरिस र युजभेन्द्र चहल बलिङ हतियार हुन् । मोरिसले ६ खेलमा १० र चहलले ११ खेलमा १६ विकेट लिएका छन् । मोईन अलीको स्थानमा इसुरु उडानालाई खेलाउन सक्छ । आइपिएलमा यी दुई टोलीबीच कुल २६ खेल भएको छ । जसमा मुम्बई १६ खेलमा विजयी हुँदा १० खेलमा पराजित भएको छ ।

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

Success

Thank you for your time.