3 years ago
November 2, 2020
एजेन्सी – इन्डियन प्रिमियर लिग (आइपिएल) २०२० को लिग चरणका २ खेल बाँकी छन् । आइपिएलका लिग चरणका ५४ खेल सकिँदा मुम्बई इन्डिन्सले शीर्षस्थानका साथ प्लेअफमा स्थान बनाइसकेको छ । चेन्नई सुपर किंग्स, राजस्थान रोयल्स र किंग्स इलेभेन पन्जाब लिग चरणबाट बाहिरिने टोली बनेका छन् । तीन प्ले अफमा स्थान बनाउन ४ टोलीबीच दौडधुप छ […]
एजेन्सी – इन्डियन प्रिमियर लिग (आइपिएल) २०२० को लिग चरणका २ खेल बाँकी छन् । आइपिएलका लिग चरणका ५४ खेल सकिँदा मुम्बई इन्डिन्सले शीर्षस्थानका साथ प्लेअफमा स्थान बनाइसकेको छ ।
चेन्नई सुपर किंग्स, राजस्थान रोयल्स र किंग्स इलेभेन पन्जाब लिग चरणबाट बाहिरिने टोली बनेका छन् । तीन प्ले अफमा स्थान बनाउन ४ टोलीबीच दौडधुप छ । लिग चरणमा बाँकी २ खेलले ४ टोली मध्य तीनले प्ले अफमा स्थान बनाउने छन् । एक टोली बाहिरिने छ । जसमा रोयल च्यालेन्जर्स बेंगलोर र दिल्ली मध्य एक प्ले अफमा पुग्ने निश्चित छ । हैदराबादको नतिजा पछि मात्रै प्ले अफ समिकरण पूरा हुने छ ।
मुम्बई १३ खेलमा ९ मा जित र ४ मा हार सहित १८ अंकका साथ शीर्षस्थानमा छ । मुम्बई शीर्षस्थानमा रहँदै क्वालिफायर खेल्ने पनि निश्चित बनेको छ । रोयल च्यालेन्जर्स बेंगलोर १३ खेलमा ७ मा जित र ६ मा हार सहित १४ अंक जोड्दै दोस्रो स्थानमा छ । दिल्ली १३ खेलमा ७ मा जित र ६ मा हार सहित १४ अंकका साथ तेस्रो स्थानमा छ । कोलकाता १४ खेलमा ७ मा हार र ६ मा जित सहित १४ अंकका साथ चौथो स्थानमा छ । हैदराबाद १३ खेलमा ७ मा हार र ६ मा जित सहित १२ अंकका साथ पाँचौ स्थानमा छ ।
किंग्स इलेभेन पन्जाब १४ खेलमा ६ मा जित र ८ मा हार सहित १२ अंकका साथ छैटौं स्थानमा रहँदै बाहिरिएको छ । चेन्नई १४ खेलमा ६ मा जित र ८ मा हार सहित १२ अंकका साथ सातौं स्थानमा रहेर बाहिरिएको छ । राजस्थान १४ खेलमा ६ मा जित र ८ मा हार बेहोर्दै १२ अंकका साथ पुछारमा रहेर बाहिरिएको छ ।
प्ले अफमा चार टोलीको सम्भावना यस प्रकार छ ।
दिल्ली क्यापिटल्स
दिल्ली सोमबार बेंगलोरसँगको खेलमा विजयी भए सोझै क्वालिफायरमा पुग्ने छ । दिल्ली पछिल्ला चार खेलमा लगातार पराजित भएको छ । उपाधिको दाबेदार मानिएको दिल्ली लिग चरणबाटै बाहिरिने खतरा पनि त्यतिनै बढेको छ । दिल्ली बेंगलोरसँग पराजित भए हैदराबादसँगको नतिजामा निर्भर रहनुपर्ने हुन्छ ।
हैदराबाद मंगलबार मुम्बईसँग खेल्ने छ । उक्त खेलमा हैदराबाद पराजित भए दिल्ली प्ले अफमा पुग्ने छ । तर हैदराबाद विजयी हुँदा दिल्ली पराजित भएमा नेट रनरेटमा निर्भर रहने छ । दिल्ली सामान्य अन्तरले हार्दा पनि प्ले अफमा पुग्न सक्छ । दिल्लीको नेट रनरेट माइनस ०.१५९ रहँदा कोलकाताको माइनस ०.२१४ छ । हैदराबादको नेट रनरेट प्लस ५५५ छ ।
रोयल च्यालेन्जर्स बेंगलोर
बेंगलोर र दिल्लीको समिकरण एउटै छ । सोमबार बेंगलोरले दिल्लीलाई पराजित गरे सोझै क्वालिफायर पुग्ने छ । तर पराजित भएमा भने हैदराबादसँगको नतिजा पर्खनु पर्ने हुन्छ । हैदराबाद विजयी हुँदा बेंगलोर पराजित भएमा नेटरनरेटले निर्धारण गर्ने छ । हैदराबाद पराजित भएमा बेंगलोर हारका बाबजुद पनि प्ले अफमा पुग्नेछ । बेंगलोरको नेटरनेट माइनस ०.१४५ छ ।
कोलकाता नाइट राइडर्स
कोलकाताले लिग चरणका सबै खेल खेल्दा १४ अंकका साथ चौथो स्थानमा छ । चौथो स्थानमा रहँदै प्ले अफमा पुग्न बेंगलोर र दिल्ली मध्यको खेलमा विजेताको अन्तर ठूलो हुनुपर्छ । यी दुई टोलीबीचको जितको अन्तर सामान्य रहँदा भने कोलकाता बाहिरिन सक्छ । अर्कोतर्फ हैदराबाद मुम्बईसँग पराजित भएमा भने सोझै प्ले अफमा पुग्नेछ । कोलकाताको नेटरनरेट माइनस ०.२१४ छ ।
सनराइजर्स हैदराबाद
हैदराबादलाई प्ले अफमा स्थान बनाउन मुम्बईलाई हराउनै पर्ने हुन्छ । कोलकाता, दिल्ली र बेंगलोर भन्दा हैदराबादको नेटरन रेट बलियो छ । तर पराजित हुँदा भने सोझै बाहिरिनेछ ।
April 20, 2024
काठमाडौं (हाम्रो खेलकुद) –सुदूर पश्चिमप्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमा पहिलो जित हासिल गरेको छ। सुदूरले गण्डकी प्रदेशलाई ९ विकेटको फराकिलो अन्तरमा हराउँदै अंकको खाता खोलेको हो। सुदूरको जितमा अभिषेक पालले ४९ रन जोडे। उनी अर्धशतकबाट मात्र १ रनले चुके। जितको लागि १ सय १८ रनको सहज विजय लक्ष्य सुदरले १९ ओभरमा मात्र १ […]
April 20, 2024
काठमाडौं (हाम्रो खेलकुद)- राष्ट्रिय महिला क्रिकेट टोलीकी कप्तान इन्दु बर्मासहित ६ क्रिकेटरले मलेसियाको सुपर वुमेन्स कप खेल्ने भएका छन्। नेपाल क्रिकेट संघ (क्यान)का अनुसार इन्दुसहित पूर्व कप्तान रूबिना क्षेत्री, सिता राना मगर, पुजा महतो, कविता कुँवर र अश्मिना कर्माचार्यले मलेसियाको सुपर वुमेन्स कप खेल्ने भएका हुन्। मलेसिया क्रिकेट संघले अप्रिल २४ देखि मे ५ सम्म […]
April 20, 2024
मस्कट (हाम्रो खेलकुद) – एसिसि प्रिमियर कप अन्तर्गत सेमिफाइनलबाट बाहिरिएको नेपालले तेस्रो स्थानका लागि आज हङकङ विरुद्ध खेल्दै छ । खेल नेपाली समय अनुसार दिउँसो ४:१५ बजे अल अमेरात क्रिकेट मैदानमा हुनेछ । एसिया कप पुग्ने सम्भावना सकिएपनि आजको खेलको विजेता एसिसि इमर्जिङ एसिया कपमा छनोट हुनेछ । इमर्जिङ एसिया कपमा प्रिमियर कपका शीर्ष तीन […]